दाङ हुँदै पश्चिमरुकुम जोड्ने राप्ती लोकमार्ग स्तरोन्नति हुन सकेको छैन। तुलसीपुर–सल्यान हुँदै रुकुमसम्म पुग्ने यस सडकको पूरै सडक खण्ड जीर्ण भएको छ। अधिकांश सडकमा लगाइएकोे ओटासिल उप्किएको छ। सडकमा ठूलाठूला खाल्डा परेका छन्। मुख्य सडकसँगै प्रदेश राजधानी जोड्ने र सदरमुकाम जोड्ने सहायक सडकको अवस्था पनि उस्तै खराब छ। सडकको अवस्था जीर्ण बन्दै गएपछि सडक दुर्घटनाको जोखिम पनि बढ्दो छ।
