एजेन्सी।अर्जेन्टिनाबाट सबभन्दा धेरै खेल खेल्ने कीर्तिमान बनाउन लागेका लियोनल मेसीले कोपा अमेरिकामा आराम नगर्ने भएका छन्। ३४ वर्षे मेसी र जाभियर मास्चेरानोले अर्जेन्टिनाबाट सबभन्दा धेरै १४७ खेल खेलेका छन्। अर्जेन्टिनाले कोपा अमेरिकाको क्वार्टरफाइनलमा स्थान पक्का गरिसकेको छ। समूह चरणको अन्तिम खेलमा केही खेलाडीलाई आराम दिइए पनि बोलिभियाविरुद्ध मेसीले खेल्ने भएका हुन्। ब्राजिलमा जारी प्रतियोगितामा मेसीले प्रत्येक खेल खेलेका छन्।
