काठमाडौं । राउण्ड टेबल नेपालले विश्व मोटोपना दिवस (मार्च ४) को सन्दर्भ पारेर ‘फाइभ–के फन रन’ आयोजना गर्ने भएको छ । मोटोपना दिवसको नारा ‘द फन रन’सहित सो दिन बिहान साढे ७ बजेदेखि शुरू हुने कार्यक्रममा रू. २०० दर्ता शुल्क तोकिएको आयोजकले जानकारी दिएको छ ।
राउण्ड टेबल नेपाल १८ देखि ४० वर्ष उमेर समूहका गैरराजनीतिक र गैरसाम्प्रदायिक युवाहरूको संगठन हो । यसले ‘मिशन नेपाल’अन्तर्गत शिक्षा र स्वास्थ्य सेवाको क्षेत्रमा पछाडि परेका समुदायलाई गुणस्तरीय शिक्षा र स्वास्थ्य सेवा प्रदान गर्दै आएको छ । कार्यक्रममा सहभागी हुन खल्ती एप तथा एनआरएस स्पोर्ट्स फाउन्डेसनकोे वेबसाइटमार्फत पनि बुक गर्न सकिनेछ ।
