मोटरसाइकल दुर्घटना हुँदा तीन युवकको घटनास्थलमै मृत्यु

 धनुषामा मोटरसाइकल दुर्घटना हुँदा तीन युवकको घटनास्थलमै मृत्यु भएको छ ।  धनुषाको औरहीबाट जनकपुरधामतर्फ आउँदै गरेको ज ९ प १९८२ नम्बरको मोटरसाइकल तीव्र गतिका कारण अनियन्त्रित भएर दुर्घटना भई मृत्यु भएको धनुषाका प्रवक्ता प्रहरी नायव उपरीक्षक जितेन्द्र बस्नेतले जानकारी दिए ।मृतकमध्ये एक जना जनकपुरधाम उपमहानगरपालिका वडा नम्बर ११ का २१ वर्षीय कुनाल कुमार साहको सनाखत भएको उनले बताए । अन्य दुई जनाको परिचय समेत खुल्न बाँकी रहेको प्रहरी नायब उपरीक्षक बस्नेतले बताए ।