सरकारले सुनचाँदी आयात खुला गर्दै छ । यो राम्रो कुरा हो । यसका लागि हामीले पनि सुझाव पठाएका छौं । हामीले त नेपाल सुनचाँदी व्यवसायी संघलाई मात्रै सुनको आयात गर्न दिनुपर्ने माग गरेका छौं । यसो भयो भने मात्र सुन व्यवसाय व्यवस्थित हुन सक्छ । सरकारले आन्तरिक बजारलाई दृष्टिगत गरी सुन आयात गर्ने शक्ति छैन । अब सुनको आयात गर्दा आन्तरिक बजारमा यसको माग हेरेर गरिनुपर्छ । सरकारले यसअघि सुन आयातमा कोटा तोकेको हुँदा बजारको मागअनुसार सुन आयात हुन सकेको थिएन । यसपालि भने कोटा प्रणाली लागू नहोस् भन्ने हाम्रो माग छ । कोटा प्रणाली लागू भएपछि अनावश्यक विवाद आउन सक्छ । यो प्रणालीले आन्तरिक बजारमा सुनको पूर्ण रूपमा आपूर्ति गर्न असम्भव छ । सरकारले यस कुरामा ध्यान दिनु जरुरी छ ।
(नेपाल सुन चाँदी व्यवसायी संघका अध्यक्ष तेजरत्न शाक्यसँगको कुराकानीबाट)
वर्ष ६, अंक ६६ बिहीवार, ९ मंसिर, २०६७
