कोरोना महामारीका कारण गत चैत १० गतेदेखि सीमा नदी महाकालीमा लगाइएका तुइन बन्द गरिएको छ । तुइन रोकिँदा व्यास गाउँपालिकाका स्थानीय अनकन्टार टापुमा बसेजस्तो महसुस गर्न थालेका छन् ।
सरकारी कामकाजमा निस्कदा होस् वा बजार जाँदा, दार्चुलाको व्यासवासीलाई तुइन नचढी सुखै छैन् । तुइनबाट महाकाली नदी तरेर भारतीय बाटो हुँदै उनीहरू सदरमुकाम पुग्छन । व्यास गाउँपालिकाको धौलाकोटमाथिको क्षेत्रबाट सदरमुकाम पुग्न महाकाली तर्नैपर्छ, स्थानीय दिपक भट्टले भन्नुभयो, महाकालीमा पुल नबनेकोले हाम्रा लागि तुइनको विकल्प छैन् । नेपाल सरकारले नेपाल–भारत सीमा नाका खोल्ने निर्णय गरेको सुनिन्छ, यहाँको तुइन पनि खोलिदिए हुने, व्यास गाउँपालिका–३ का रमेशसिंह कुँवरले भन्नुभयो ।
