नेपालमा आउँदो कात्तिक १२ देखि १६ गतेसम्म भृकुटीमण्डपमा सार्क व्यापार मेला हुने भएको छ । मेलामा पर्यटन, फुड फेस्टिबल, कला, संस्कृति, मनोरञ्जनलगायतका क्रियाकलाप समावेश गरिने व्यापार तथा निकासी प्रवद्र्धन केन्द्र अन्तर्राष्ट्रिय व्यापार मेला तथा प्रदर्शनी महाशाखाका निर्देशक तेजसिंह विष्टले बताए ।
क्षेत्रीय उन्नतिका लागि व्यापार ‘रिजनल प्रोस्पेरिटी थ्रु टेड’ मूल नारा दिइएको सो मेलामा सार्कका सदस्य राष्ट्रहरु स्वदेशी व्यापारी गरी करिब ३ सय ५० प्रदर्शनी स्टल रहनेछन् ।
मेलामा समुद्र पारिका २ हजार, सार्क क्षेत्रका ६ हजार, स्थानीय व्यापारी ५ हजार, स्थानीय जनता १ लाख ५० हजार गरी १ लाख ६३ हजार दर्शकले मेलाको अवलोकन गर्ने अपेक्षा आयोजकहरुको रहेको छ । मेला अवलोकनका लागि सामान्य शुल्क लाग्ने बताइएको छ ।
मेलामा टेक्सटाइल तथा रेडिमेड गार्मेन्ट, हेन्डिक्राफ्ट, गाडी तथा गाडीका पार्टपुर्जा, फर्निचर तथा त्यसका सामान, जुट तथा प्लास्टिकका सामान, स्वास्थ्य तथा सरसफाइका सामान, छालाका सामान, जडिबुटी, गहना खेलकुद, घरायसी प्रयोजनका सामान, खेलौना तथा भान्साका सामान गरी २५० भन्दा बढी वस्तु समावेश हुने बताइएको छ । यसैगरी, मेलामा सूचना र प्रविधि, बैंकिङ बिमा विज्ञापनलगायतका विषयमा पनि प्रदर्शन गरिने विष्टले बताए । मेलामा चीन, युरोपियन युनियन, म्यानमार, कोरिया, जापान, अमरिका लगायतका ९ राष्ट्रका प्रतिनिधिहरू अवलोकनर्ताका रूपमा आउने भएका छन् ।
वर्ष ५, अंक ४७, २०६७, साउन १०–१६
.png)