काठमाडौं। कामना सेवा विकास बैंकले सोमवार भक्तपुर बहुमुखी क्याम्पसमा एक दिने वित्तीय साक्षरता कार्यक्रम सम्पन्न गरेको छ । बैंकले व्यवस्थापन संकायका विद्यार्थीलाई सुरक्षित भविष्यको सुनिश्चितता गर्दै सही वित्तीय निर्णय गर्न शिक्षित र सशक्त बनाउने योजनाका साथ कार्यक्रम गरिएको बैंकको भनाइ छ ।
उक्त कार्यक्रममा ६० विद्यार्थीको सहभागिता थियो । कार्यक्रममा सहभागीलाई बैंकका कर्मचारीले वित्तीय व्यवस्थापन, बचत र खर्चको व्यवस्थापन, डिजिटल बैंकिङ, डिजिटल बैंकिङमा अपनाउनुपर्ने सतर्कता लगायत विषयमा साक्षरता प्रदान गरेका थिए । उक्त कार्यक्रममा बैंकका प्रमुख व्यवसाय अधिकृत हरिप्रसाद लम्साल, जगाती शाखाका शाखा प्रमुख सुरजकुमार सरार्फ लगायत कर्मचारी र क्याम्पसका सहायक प्राध्यापक तुलसीराम घेमोसु तथा अन्य विद्यार्थीको उपस्थिति थियो ।
