काठमाडौँ। नेपाली काँग्रेसका केन्द्रीय सदस्य एवं क्रियाशील सदस्यता छानबिन समितिका सदस्य प्रदीप पौडेलले सदस्यता विवाद नटुङ्ग्याएकै कारणले महाधिवेशन नरोकिने बताएका छन्। समितिले ९६ प्रतिशत क्रियाशील सर्वसम्मतिले टुङ्ग्याएको र बाँकी रहेका विषय शीर्ष नेतृत्वले टुङ्ग्याउने उनले बताए। उनले भने, 'अब बाँकी रहेका सप्तरी, बारा, धनुषा–४, सर्लाही–२, सिन्धुपाल्चोक, रसुवा र सय वटा वडाहरूको क्रियाशील केन्द्रीय नेतृत्व छलफल र निर्णय गर्नेछ।'
