उज्यालो अनलाइन

मंसिर २०७८

सन् २०२१ मा १ लाख ५० हजारभन्दा धेरै विदेशी पर्यटक नेपाल आए

काठमाण्डाै – सन् २०२१ मा एक लाख ५० हजारभन्दा धेरै विदेशी पर्यटक नेपाल आएका छन् । हवाई र स्थलमार्गबाट गरेर एक लाख ५० हजार नौ सय ६२ जना पर्यटक नेपाल आएका पर्यटन विभागका सूचना अधिकारी मणिराज लामिछानेले जानकारी दिनुभयो । सन् २०२० मा दुई लाख ३० हजार ८५ जना विदेशी नागरिक नेपाल आएका थिए । यस्तै कोरोना महामारी सुरु हुनुअघि सन् २०१९ मा ११ लाख ९७ हजार एक सय ९१ जना पर्यटक नेपाल आएका पर्यटन विभागले जनाएको छ । सन् २०२१ मा नेपाल आएका पर्यटकमध्ये झन्डै ४३ प्रतिशत अर्थात् ६४ हजार ६ सय ७३ जना भारतीय नागरिक रहेका ...

पूर्ण विवरण

सम्बन्धित सामग्री

ठमेल क्षेत्रमा पर्यटकको चहलपहल, 'पर्यटन उद्योगमा पलायो केही आशा' : व्यवसायी

काठमाडौं । सङ्घीय राजधानी काठमाडौँको प्रमुख पर्यटकीय क्षेत्र ठमेललगायत नेपालका विभिन्न क्षेत्रमा पर्यटकको चहलपहल र आगमन बढ्न थालेको छ । कोरोना महामारीबाट थला परेको ठमेललगायत देशभरका पर्यटकीय गन्तव्यमा विस्तारै पर्यटकीय चहलपहल बढ्न थालेको हो । अहिले काठमाडौंको ठमेल क्षेत्रमा विस्तारै विदेशी पर्यटक देखिन थालेका छन् । ठमेल क्षेत्रका सडकमा व्यवसायी देखिन थालेसँगै लामो समयदेखि तनावमा रहेका पर्यटन व्यवसायीमा आशा जाग्न थालेको छ । ट्रेकिङ एजेन्सिज् एशोसिएशन अफ नेपाल (टान) का अध्यक्ष निलहरि बाँस्तोला पर्यटन आवागमनसँगै नेपालको पर्यटन उद्योगमा केही आशा पलाएको बताउँछन्। विश्व सम्पदा सूचीमा रहेका नेपालका पर्यटकीय क्षेत्रलाई व्यवस्थित गरेर जतिसक्दो पर्यटक भित्र्याएर राज्यले फाइदा लिनुपर्ने उनको भनाइ छ । ठमेल पर्यटन विकास परिषद्का अध्यक्ष भविश्वर शर्मा अहिले ठमेलमा विदेशी पर्यटक बढ्न थालेको बताउँछन्। ‘ठमेलका भित्री गल्लीमा विस्तारै विदेशी पर्यटक देख्न थालिएको छ’, उनी भन्छन् । ठमेलमा ८० प्रतिशत व्यापार बाह्य पर्यटकबाट र २० प्रतिशत व्यापार आन्तरिक पर्यटकबाट हुने गरेको छ । ठमेल क्षेत्रमा १ हजारभन्दा बढी होटल रहेका छन् । ठमेलको चारतारे होटल रमदा इन्कोरका सञ्चालक गोपाल पङ्गेनी पर्यटन मौसम शुरु भएसँगै आफ्नो होटलमा बुकिङ गर्ने पर्यटकको सङ्ख्या बढेको बताउँछन्। अङ्ग्रेजी पात्रोअनुसार मार्च, अप्रिल र मे महीनालाई नेपालमा पर्यटकीय मौसमका रूपमा लिने गरिन्छ । काठमाडौं महानगरपालिका–१६ ठमेलमा ९२ ओटा कोठासहित सञ्चालनमा रहेको रमदा होटलमा मार्चमा ७० प्रतिशत, अप्रिल र मेमा ९० प्रतिशत कोठा बुकिङ भएका छन् । सोही होटलका महाप्रबन्धक महेश फुँयाल ठमेलमा पर्यटकीय गतिविधि विस्तारै बढ्दै गएको बताउँछन् । ‘एक महीना पहिलेभन्दा अहिले होटलमा आउने स्वदेशी तथा विदेशी पाहुना बढेका छन्’, उनी भन्छन्। अब विस्तारै नेपालको पर्यटन क्षेत्रले गति लिने उनको अपेक्षा छ । ठमेलमा रात्रिकालीन मनोरञ्जन गर्ने पाहुना खचाखच हुन थालेका छन् । शुक्रवार र शनिवार भने ठमेलमा थप चहलपहल हुँदै आएको छ । व्यावसायिक घराना, पारिवारिक जमघटदेखि युवापुस्ताको रात्रिकालीन जीवनशैलीसँग जोडिएको ठमेलका क्लब पुनः व्यावसायिक बाटोमा फर्किन थालेका छन् । ठमेलमा रात्रिकालीन व्यवसाय सञ्चालन गर्दै आएका द सर्ट स्टेशन रेष्टुराँ एन्ड बारका सञ्चालक धर्मराज पनेरु रातिको समयमा ठमेलमा मनोरञ्जन गर्न आउने विदेशी पाहुनाको सङ्ख्या बढेको बताउँछन्। ‘पछिल्लो १५ दिनदेखि रात्रिकालीन व्यवसाय क्रमशः राम्रो हुँदै गएको छ, यसले हामी व्यवसायीमा खुसी छाएको छ’, उनी भन्छन् । ठमेल क्षेत्रमा ६ हजारभन्दा बढी व्यक्तिले व्यापार व्यवसाय गर्दै आएका छन् । नेपाल पर्यटन बोर्डका अनुसार सन् २०२३ को फ्रेबुअरीमा हवाईमार्ग भएर ७३ हजार २५५ जना पर्यटकले नेपाल भ्रमण गरेका छन् । जनवरीमा ५५ हजार ७४ जना विदेशी पर्यटक नेपाल भित्रिएका थिए । अघिल्लो वर्ष सन् २०२२ को फ्रेबुअरीमा १९ हजार ७६६ पर्यटकको नेपाल आगमन भएको थियो । सन् २०२१ को सोही महीनामा ९ हजार १४६ जना पर्यटकले नेपाल भ्रमण गरेका थिए । पछिल्ला दिनमा विदेशी पर्यटक आगमन उत्साहवर्द्धक रहेको नेपाल पर्यटन बोर्डका निर्देशक मणिराज लामिछाने बताउँछन् । फ्रेबुअरीमा भारतबाट १८ हजार ४०१ जना पर्यटक आए । अमेरिकाबाट ७ हजार ८८७ जना पर्यटकले नेपाल भ्रमण गरेका छन् । त्यस्तै थाइल्यान्डबाट ४ हजार ८०२ जना, दक्षिण कोरियाबाट ३ हजार २४६जना, अष्ट्रेलियाबाट २ हजार ९६९, चीनबाट २ हजार २६६, म्यानमारबाट २ हजार २३२, श्रीलङ्काबाट २ हजार ११७ र जर्मनीबाट २ हजार १०८ जना पर्यटक नेपाल भित्रिएका छन् । पछिल्लो तथ्याङ्कले महामारीपछि फ्रेबुअरीमा हालसम्मकै उल्लेख्य सङ्ख्यामा पर्यटक आएको देखिन्छ । कोभिड–१९ महामारीका कारण घटेको विदेशी पर्यटकको सङ्ख्या सन् २०२२ मा भने केही बढेको थियो । उक्त वर्ष ६ लाख १४ हजार १४८ विदेशी पर्यटकले नेपाल भ्रमण गरेका थिए । महामारीपूर्व सन् २०१९ मा ११ लाख ९७ हजार ९१ पर्यटक नेपाल आएका थिए । सन् २०२० मा २ लाख ३० हजार ८५ पर्यटक नेपाल भित्रिएका थिए । त्यसैगरी २०२१ मा भने १ लाख ५० हजार ९६२ पर्यटकले नेपाल भ्रमण गरेका थिए । रासस

Aarthik Abhiyan माघ २०७९

विश्व पर्यटन सन् २०२१ मा ४ प्रतिशतले बढ्यो

सन् २०१९ को डिसेम्बर अन्तिमदेखि चीनको हुपेई प्रान्तको राजधानी वुहानबाट पैmलन शुरू भएको ‘कोभिड–१९’ महामारीले गर्दा हालसम्म पनि विश्व पर्यटनले सन् २०१९ ताकाको गतिमा फर्कन नसकेको अवस्था छ । विश्वका पर्यटन विज्ञहरूले कोरोना महामारीले सन् २०२१/२२ मा स्वाभाविक रूपमा बिदा लिएमा विश्व पर्यटनले सन् २०१९ को गतिमा पुग्न कम्तीमा सन् २०२४/२५ सम्म लाग्न सक्ने बताएका थिए भने, विश्व पर्यटनले अझ अघि बढ्नलाई सन् २०२६/२७ सम्म लाग्ने पूर्वानुमान गरेका थिए । तर, नयाँ–नयाँ भेरियन्ट विकास हुँदै अहिले ‘ओमिक्रोन’सम्म आइपुगेको अवस्था छ । नेपालमा सन् २०२१ मा १ लाख ५० हजार ९६२ विदेशीले मात्रै भ्रमण गरेको तथ्यांक रहेको छ । स्मरणीय छ, सन् २०१९ को डिसेम्बर अन्तिममा शुरू भएको कोरोना महामारीका कारण सन् २०२० मा २ लाख ३० हजार ८५ विदेशी पर्यटकले नेपाल भ्रमण गरेका थिए । तापनि सन् २०२० मा नेपाल घुम्न आएका विदेशी पर्यटकको प्रतिदिन बसाइ बढेर १५ दशमलव १ दिन पुगेको थियो । त्यस्तै सन् २०२० मा नेपाल भ्रमणमा आएका विदेशी पर्यटकले प्रतिव्यक्ति, प्रतिदिन ६५ अमेरिकी डलर खर्च गरेका थिए । अब सन् २०२१ मा विश्वमा घुम्न निक्लेका पर्यटकको संख्याको बढोत्तरी बारेमा जान्नेतर्फ । हो, तथ्यांक हेर्दा सन् २०२० को तुलनामा सन् २०२१ मा विश्वमा घुम्न निक्लेका पर्यटकको संख्या ४ प्रतिशतले बढेको देखिएको छ । संयुक्त राष्ट्रसंघसँग आबद्घ विश्व पर्यटन संगठन (यूएन डब्ल्यूटीओ) का अनुसार सन् २०२० मा विश्वमा ४ सय १ मिलियन (४० करोड ४४ लाख) पर्यटक विश्व भ्रमण गर्न निक्लेका थए । यो तथ्यांक भनेको सन् २०१९ को तुलनामा ७४ प्रतिशतले कम हो । तर, सन् २०२१ मा भने ४ सय १५ मिलियन (४० करोड ५५ लाख) पर्यटक विश्व भ्रमण गर्न निक्लेका थिए । यो तथ्यांक सन् २०१९ को तुलनामा ७२ प्रतिशतले कम संख्या हो । सन् २०१९ मा १ दशमलव ५ विलियन अर्थात् १ अर्ब ५० लाख पर्यटक विश्व भ्रमण गर्न निक्लेका थिए । यो तथ्यांक भनेको सन् २०१८ को तुलनामा विश्व भ्रमण गर्न निक्लेको पर्यटकको संख्या ४ दशमलव ३ प्रतिशतले बढी संख्या हो । यसरी महादेशको हिसाबबाट सन् २०२० को तुलनामा सन् २०२१ मा विश्व भ्रमण गर्ने पर्यटकको संख्याको बढोत्तरी अर्थात् बढेको तथ्यांक हेर्दा सबैभन्दा धेरै संख्यामा विदेशी पर्यटक यूरोप महादेशमा बढेको देखिन्छ । त्यसमा पनि देशपिच्छे तथ्यांक छुट्याएर हेर्दा फ्रान्समा सबैभन्दा धेरै पर्यटकले भ्रमण गरेको देखिन्छ । सन् २०२१ मा फ्रान्समा मात्रै ८ करोड ९४ लाख विदेशी पर्यटकले भ्रमण गरेको तथ्यांक देखिन्छ । यस्तै सन् २०२१ म दोस्रो धेरै संख्यामा विदेशी पर्यटकले भ्रमण गरेको देश पनि यूरोप महादेशकै स्पेन रहेको छ । जहाँ सन् २०२१ मा ८ करोड ३७ लाख विदेशी पर्यटकले भ्रमण गरेको देखिन्छ । सन् २०२१ मा तेस्रो धेरै संख्यामा विदेशी पर्यटकले भ्रमण गरेको देशचाहिँ उत्तर अमेरिकी महादेशको संयुक्त राज्य अमेरिका रहेको छ । संयुक्त राज्य अमेरिकामा सन् २०२१ मा ७ करोड ९३ लाख विदेशी पर्यटकले भ्रमण गरेको तथ्यांक रहेको देखिन्छ । सन् २०२१ मा चौथौ धेरै विदेशी पर्यटकले भ्रमण गरेको देशचाहिँ एशिया महादेशको चीन रहेको छ । सन् २०२१ मा चीनमा ६ करोड ५७ लाख विदेशी पर्यटकले भ्रमण गरेका थिए । त्यस्तै गरेर पाँचौं धेरैसंख्यामा विदेशी पर्यटकले भ्रमण गरेको देश पनि यूरोप महादेशकै इटली रहेको छ । स्मरणीय छ, सन् २०२१ मा इटलीमा ६ करोड ४५ लाख विदेशी पर्यटकले भ्रमण गरेका थिए । सन् २०२१ मा धेरै पर्यटकले भ्रमण गरेको छैटौं देश आफ्नो आधा भूगोल यूरोप र आधा भूगोल एशियामा पर्ने तर, आपूmलाई सधैं यूरोप महादेशकै एक देश भनेर दाबी गर्ने टर्की रहेको थियो । टर्कीमा सन् २०२१ मा ५ करोड १२ लाख विदेशी पर्यटक भ्रमण गर्न गएका थिए । त्यस्तै सन् २०२१ मा सातौं स्थानमा रहेको (विदेशी पर्यटकले भ्रमण गरेको) देशचाहिँ उत्तर अमेरिका महादेशको मेक्सिको हो । स्मरणीय छ, सन् २०२१ मा मेक्सिकोमा ४ करोड ५० लाख विदेशी पर्यटकले भ्रमण गरेको देखिन्छ । सन् २०२१ मा धेरै विदेशी पर्यटकले भ्रमण गरेको आठौं देशमा एशिया महादेशको थाइल्यान्ड रहेको छ । सन् २०२१ म थाइल्यान्डमा ३ करोड ९८ लाख विदेशी पर्यटकले भ्रमण गरेको तथ्यांक रहेको छ । त्यस्तै सन् २०२१ मा नवौं धेरै विदेशी पर्यटकले भ्रमण गरेको देश पनि यूरोप महादेशकै जर्मनी रहेको छ । जर्मनीमा सन् २०२१ मा ३ करोड ९६ लाख विदेशी पर्यटकले भ्रमण गरेका थिए भने सन् २०२१ मा १०औं धेरै विदेशी पर्यटकले भ्रमण गरेको देश पनि यूरोप महादेशको बेलायत रहेको छ । स्मरण रहोस्, सन् २०२१ मा बेलायतमा ३ करोड ९४ लाख विदेशी पर्यटकले भ्रमण गरेको तथ्यांक रहेको छ । यसरी सन् २०२१ मा धेरै विदेशी पर्यटकले भ्रमण गरेको १० देशभित्र परेको आठौं, नवौं र १० औं स्थानमा रहेका तीन देशको पर्यटकको संख्या अर्थात् तथ्य–तथ्यांक हेर्दा थाइल्यान्ड, जर्मनी र बेलायतको स्थानमा खासै धेरै संख्याले फरक पारेको देखिँदैन । ती तीन देशमा केवल २–२ लाखको संख्याले मात्रै तलमाथि परेको देखिन्छ । पुनश्च माथिका सबै अन्तरराष्ट्रिय पर्यटकीय तथ्य–तथ्याकको स्रोत संयुक्त राष्ट्रसंंघसँग आबद्ध रहेको विश्व पर्यटन संगठन यूएन–डब्ल्यूटीओ र गूगलबाट लिइएको हो । लेखक पर्यटनकर्मी हुन् ।

Aarthik Abhiyan पौष २०७८

गत वर्ष डेढ लाख विदेशी

सन् २०२१ मा नेपालमा १ लाख ५० हजार ९ सय ६२ जना विदेशी पर्यटक भित्रिएको पर्यटन बोर्डले जनाएको छ। नेपाल भित्रिएका ती विदेशी पाहुना हवाई र स्थलमार्गबाट भित्रिएका हुन्। तीमध्ये अधिकांश हवाईमार्गबाट भित्रिएका थिए।...

नागरिक दैनिक मंसिर २०७८

सुध्रिँदै विदेशी पर्यटक आगमन

कोरोना भाइरस संक्रमणले थलिएको पर्यटन क्षेत्रमा केही सुधार देखिएको छ। सन् २०२१ मा नेपालमा १ लाख ५० हजार ९ सय ६२ जना विदेशी पर्यटक भित्रिएको पर्यटन बोर्डले जनाएको छ। नेपाल भित्रिएका ती विदेशी पाहुना हवाई र स्थालमार्गबाट भित्रिएका हुन्। ती मध्ये अधिक पाहुना ...

नागरिक दैनिक मंसिर २०७८