काठमाडौं । काठमाडौंको नयाँ बानेश्वरमा आफैंमाथि आगो लगाएका पुरूषको उपचारका क्रममा मृत्यु भएको छ ।
गत मंगलवार काठमाडौंको नयाँ बानेश्वरमा आफैंमाथि आगो लगाएका इलामका ३७ वर्षीय प्रेमप्रसाद आचार्यको उपचारका क्रममा बुधवार (आज) बिहान कीर्तिपुरस्थित बर्न अस्पताल मृत्यु भएको चिकित्सकहरूलाई उद्धृत गर्दै प्रहरीले जनाएको छ ।
आफैंमाथि आगो लगाएपछि उपचारका लागि बर्न अस्पताल लगिएका उनको आईसीयूमा राखेर उपचार गरिएको थियो ।
उनको स्वास्थ्य अवस्था बुझ्न स्वास्थ्य तथा जनसंख्या राज्यमन्त्री डा. तोसिमा कार्की हिजो साँझ अस्पतालमा पुगेकी थिइन् ।
