पुस २९, काठमाडौं । साताको अन्तिम कारोवार दिन बिहीवार नेप्से परिसूचक अघिल्लो कारोबार दिनको तुलनामा ५४ दशमलव १२ अंकले बढेको छ ।
यो दिन नेप्से परिसूचक २ हजार ८७५ दशमलव ७५ विन्दुमा पुगेको हो । यो दिन कारोबारमा आएका २२४ ओटा धितोपत्रको १ करोड १८ लाख ३४ हजार २१६ कित्ता शेयर ७७ हजार ६६८ पटकमा रू. ६ अर्ब ६६ करोड ९७ लाख ४८ हजार ५६७ दशमलव ७६ मा खरीदविक्री भएको छ ।
कारोबारमा आएका ती धितोपत्रमध्ये मध्य भोटेकोशी जलविद्युत् कम्पनीको शेयरमूल्यमा सकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा यो दिन ९ दशमलव ९८ प्रतिशतले वृद्धि भएकाले सकारात्मक सर्किट लागेको हो ।
कम्पनीको शेयरमूल्य प्रतिकित्ता रू.३७९ दशलमव २० पुगेको छ । यो दिन दोस्रोमा माउण्टेन हाइड्रो नेपाल लिमिटेडको शेयरमूल्य ९ दशमलव ४४ प्रतिशतले बढेर रू.५०८ दशमलव ९० पुगेको छ । त्यसो त यो दिन सबैभन्दा बढी नबिल बैकको डिबेञ्चरको मूल्य २ दशमलव शून्य ३ प्रतिशत घटेर प्रतिकित्ता रू.९०१ दशमलव ३० मा झरेको हो ।
यसैगरी एनआईसी एशिया सेलेक्ट फण्ड ३० को इकाई मूल्य १ दशमलव ४१ प्रतिशतले घटेर प्रतिइकाई रू.९ दशमलव १२ कायम भएको छ । यो दिन सर्वाधिक शेयर खरीदविक्री भने अपर तामाकोशी हाइड्रोपावरको भएको हो । उक्त कम्पनीको रू. ३४ करोड ३१ लाख ४३ हजार बराबरको शेयर खरीदविक्री भएको हो । कम्पनीको शेयरमूल्य प्रतिकित्ता रू. ७५० कायम भएको छ । यो शेयरमूल्य अघिल्लो कारोबार दिनको तुलनामा ७ दशमलव १४ प्रतिशतले वृद्धि हो । त्यसैगरी सर्वाधिक शेयर खरीदविक्री भने दोस्रोमा अपि पावर कम्पनीको रू. २३ करोड २३ लाख बराबरको शेयर खरीद विक्री भएको छ ।
कारोबारमा आएका १३ ओटा समूहमध्ये अन्य समूहको परिसूचक शून्य दशमलव १६ प्रतिशतले घटेको छ भने बाँकी सबै समूहको परिसूचक बढेसँगै समग्र नेप्से परिसूचक बढेको हो । यो दिन सबैभन्दा बढी हाइड्रोपावर समूहका लगानीकर्ताले कमाएका छन् । उक्त समूहको परिसूचक ४ दशमलव ९ प्रतिशतले वृद्धि भएसँगै सर्वाधिक कमाएका छन् ।
त्यसैगरी बैंकिङ समूहको परिसूचक शून्य दशमलव ५४ प्रतिशत, व्यापार समूहको परिसूचक २ दशमलव ६९ प्रतिशत,होटल एण्ड टुरिजम समूहको १ दशमलव १२ प्रतिशत,विकास बैंक समूहको २ दशमलव ९४ प्रतिशत,वित्त समूहको ३ दशमलव ६७ प्रतिशत,निर्जीवन बीमा समूहको २ दशमलव २६ प्रतिशतले वृद्धि भएको छ ।
यस्तै उत्पादन तथा प्रशोधन समूहको १ दशमलव ७८ प्रतिशत, लघुवित्त समूहको ३ दशमलव २ प्रतिशत,जीवन बीमा समूहको २ दशमलव २१ प्रतिशत,म्युचुअल फण्ड समूहको शून्य दशमलव ९६ प्रतिशत र लगानी समूहको परिसूचक ३ दशमलव २९ प्रतिशतले वृद्धि भएको छ ।
बुधवारको बजारमा सामान्य करेक्सन भएका कारण बिहीवार पुन : खरीदकर्ता बजारमा आकर्षित भएका थिए, जसका कारण बजार बढ्न टेवा पुगेको हो ।
बजार थप केही करेक्सन हुन लागेको हो कि भन्ने आशंका बजार खुलेको केहि घण्टासम्म रहेता पनि अन्त्यसम्ममा नेप्सेले सकारात्मक लय समातेको हो ।तरलता सहज हुँदै गएको सन्दर्भमा शेयर बजारले सकारात्मक लय समातेको हो ।
