काठमाडौं । नेपालमा कोरोना संक्रमितमध्ये ९७.३ प्रतिशत निको भएका छन् । हालसम्म दुई लाख ६२ हजार २६२ जना संक्रमित भएकोमा निको हुनेको संख्या दुई लाख ५५ हजार ८८ रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार निको हुने यो दर ९७.३ प्रतिशत हो । आजसम्म १९ लाख ५२ हजार ९०३ जनाको पीसीआर परीक्षण गरिएका मन्त्रालयले जनाएको छ । यस्तै, पछिल्लो २४ घण्टामा नेपालमा ४०३ जनामा कोरोना संक्रमण पुष्टी भएको छ ।
मन्त्रालयले सोमबार दिएको जानकारी अनुसार चार हजार ४०१ जनाको पीसीआर परीक्षण गर्दा सो संख्यामा संक्रमित भेटिएका हुन् । जसमा महिलाको संख्या १५९ छ भने पुरुषहरु २४४ जना रहेका छन् ।
गएको २४ घण्टामा कोरोना भाइरसका कारण ७ जनाको ज्यान गएको छ । यो सँगै हालसम्म ज्यान जानेको संख्या १८ सय ८५ रहेको छ । यस्तै, आज पाँच हजार २८९ जना सक्रिय संक्रमित रहेका छन् भने ५९४ जना संक्रमणमुक्त भएर डिस्चार्ज भएका छन् ।
