पाल्पा : घरमा आगलागी हुँदा एकजना वृद्धको मृत्यु भएको छ। मृत्यु हुनेमा रैनादेवी छहरा गाउँपालिका वडा नम्बर–४ का ७९ वर्षीय मानबहादुर सोमै रहेको प्रहरीले जनाएको छ।बिहीबार राति आफ्नै घरमा लागेको आगोले जलेर सोमैको घटनास्थलमै मृत्यु भएको प्रहरीले जनाएको छ। लामो समयदेखि एक्लै बस्दै आएका सोमैको घरमा कसरी आगलागी भयो भन्ने जानकारी प्राप्त हुन नसकेको प्रहरीले जनाएको छ। जलेर सोमैको शवको समेत पहिचान गर्न गाह्रो परेको थियो। स्थानीय बासिन्दाको सहयोगमा आगो नियन्त्रणमा आएको छ।
