अमेरिकाको मेरिल्याण्ड राज्यमा यस अगाडि भौतिक रुपमा आयोजना हुँदै आएको नेपाल अमेरिका अन्तर्राष्ट्रिय चलचित्र महोत्सव यो बर्ष जुन १७ देखि २० सम्म भर्चुअलरुपमा आयोजना हुने भएको छ ।४ दिनसम्म आयोजना हुने महोत्सवमा नेपाल र अमेरिका लगायत विश्वका १४ देशका ३० वटा चलचित्र प्रदर्शन हुनेछन् । १७ जुन साँझमा भर्चुअल रुपमा उद्घाटन हुने महोत्सवको समापनमा पुरस्कार समेत वितरण हुनेछ ।महोत्सव अवधिभर स्मार्ट फोन, आइप्याड, कम्प्युटर, ल्यापटप र स्मार्ट टेलिभिजनमा इवेनटिभ एप मार्फत महोत्सव हेर्न सकिने आयोजकले जनाए
