मन्त्रिपरिषदको बैठक आज बस्दैछ । आज दिउँसो ३ बजे मन्त्रिपरिषदको बैठक बस्ने भएको हो ।बैठकले स्थानीय तहको निर्वाचनको मिति तोक्न सक्ने बताइएको छ ।यसअघि निर्वाचन आयोगले जेठ ४ गते स्थानीय तहको निर्वाचनको मिति घोषणा गर्न सरकारलाई सिफारिस गरिसकेको छ । तर, सत्ता गठबन्धनभित्र एक स्वर नहुँदा निर्वाचनको मिति घोषणा हुन सकेको छैन ।आइतबार अपरान्ह प्रधानमन्त्री शेरबहादुर देउवाले प्रमुख प्रतिपक्षी दल नेकपा एमालेका अध्यक्ष केपी शर्मा ओली र सत्ता साझेदार माओवादी केन्द्रका अध्यक्ष पुष्पकमल दाहालसँग स्थानीय चुनाव र एमसीसीका विषयमा छलफल गरका थिए ।पछिल्लो समयमा सत्ताघटक दलहरु फागुन ५ अगाडी नै निर्वाचन गर्न तयार भएपछि आजको मन्त्रिपरिषद बैठकले स्थानीय निर्वाचनको मिति तोक्न सक्ने अनुमान गरिएको हो ।
