कैलाली – सशस्त्र प्रहरीको एपीएफ क्लब र प्रदेश नम्बर एक प्रधानमन्त्री कप महिला क्रिकेटको फाइनलमा पुगेका छन् । यी दुई टिमबीचकाे खेल भाेलि हुनेछ । धनगढीको फाप्ला मैदानमा आज भएको खेलमा लुम्बिनी प्रदेशलाई ३८ रनले हराउँदै एपीएफ उपाधि नजिकै पुगेको हो ।
एपीएफले दिएको एक सय ३० रनको लक्ष्य पछ्याएको लुम्बिनीले २० ओभरमा पाँच विकेट गुमाएर ९१ रन मात्रै बनाउन सक्यो । लुम्बिनीका लागि नेरी थापाले नटआउट ३८ रन बनाइन् । बलिङतर्फ एपीएफकी रेखा रावलले तीन विकेट लिइन् । यसअघि पहिले ब्याटिङ गरेको एपीएफले रमा थापा...
