वैशाख ४, काठमाडौं । नियामक निकाय नेपाल धितोपत्र बोर्डमा तीन ओटा कम्पनीले आईपीओ निष्कासन गर्नका लागि निवेदन दिएका छन् ।
कालिञ्चोक र्दशन लिमिटेड, हाथवे इन्भेष्टमेण्ट नेपाल लिमिटेड र सिटी होटल लिमिटेडले आईपीओ निष्कासन गर्न सेबोनमा निवेदन दिएका हुन् ।
कालिञ्चोक दर्शनले १२ लाख कित्ता आईपीओ निष्कासन गर्न चैत १५ गते निवेदन दिएको हो । विक्री प्रबन्धक नबिल इन्भेष्टमेण्ट बैंकिङ लिमिटेड रहेको छ । कम्पनीले स्थानीय बासिन्दा र सर्वसाधारणको लागि आईपीओ निष्कासन गर्नका लागि सेबोनमा निवेदन दिएको हो ।
त्यसैगरी, हाथवे इन्भेष्टमेण्ट नेपालले २९ लाख २५ हजार कित्ता आईपीओ निष्कासन गर्नका लागि चैत २५ गते निवेदन दिएको हो । त्यसैगरी, सिटी होटल लिमिटेडले १६ लाख ७४ हजार कित्ता आईपीओ निष्कासन गर्नका लागि चैत ३० गते सेबोनमा निवेदन दिएको हो ।
यी दुवै कम्पनीको विक्री प्रबन्धक ग्लोबल आइएमई क्यापिटल लिमिटेड रहेको छ । यी दुवै कम्पनीले सर्वसाधारणको लागि आईपीओ निष्कासन गर्न सेबोनमा निवेदन दिएका हुन् । आईपीओ निष्कासनको अनुमति पाएपछि मात्र निष्कासन गर्नेछन् ।
