काठमाडौं। कुमारी बैंकको प्रमुख कार्यकारी अधिकृत (सीईओ)मा रामचन्द्र खनाल नियुक्त भएका छन् । शुक्रवार बसेको बैंकको सञ्चालक समिति बैठकले खनाललाई सीईओको जिम्मेवारी दिने निर्णय गरेको हो ।
यसअघिका सीईओ रमेशराज अर्यालले राजीनामा दिएपछि सञ्चालक समितिले खनाललाई सीईओ नियुक्त गर्ने निर्णय गरेको हो । नेपाल क्रेडिट एण्ड कमर्स (एनसीसी) बैंकलाई गाभ्नुअघि पनि उनी कुमारी बैंकको सीईओ थिए । वित्तीय क्षेत्रमा एक दशकभन्दा लामो अनुभव भएका खनाल चार्टर्ड एकाउन्टेन्ट हुन् । उनले यसअघि एनआईसी एसिया क्यापिटलमा पनि सीईओको जिम्मेवारी निर्वाह गरेका थिए । सिद्धार्थ र एनआईसी एसिया बैंकमा पनि माथिल्लो तहमा रहेर काम गरेको अनुभव उनीसँग छ ।
