श्रम अदालतमा मुद्दा संख्या घट्यो

आर्थिक वर्ष २०६५/६६ को तुलनामा २०६६/६७ मा श्रम अदालतमा १२ वटा मुद्दा परेका छन् । मुलुकमा श्रम विवाद बढिरहेका बेला श्रम अदालतमा भने मुद्दा दर्तामा कमी आएको छ । गत वर्ष ८४ मुद्दा दर्ता भएका थिए । मुद्दा दर्तामा कमी आए पनि फर्स्योट प्रक्रियामा सक्रियता बढेको श्रम अदालतका रजिष्ट्रार कृतबहादुर बोहोराले बताए । ‘केही वर्ष सामान्य मुद्दाको फैसला हुन पनि लामो समयै लाग्यो तर अहिले त्यो अवस्था छैन । कुनै कुनै मुद्दाको फैसला १० दिनमै भएको प्रमाण छ’ रजिष्ट्रार बोहराले भने, ‘विगतमा वार्षिक २ सय फस्र्योट गर्न बाँकी मुद्दाहरु रहन्थे र अहिल त्यो संख्या घटेको छ ।’   आव २०६६÷६७ मा श्रम अदालतले एक सय ९ मुद्दा फर्स्यैाट गरेको छ । अघिल्ला वर्ष एक सय ३ मुद्दा फस्र्योट गरेको थियो । करिब ८० प्रतिशत फैसला श्रमिककै पक्षमा भएको र अािधकांश मुद्दाहरु व्यवस्थापन विरुद्ध परेका अदालतले जानकारी दिएको छ । गत आवमा अघिल्ला वर्षको बाँकी एक सय २१ र नयाँ ७२ गरी कुल १ सय ९३ मुद्दा दर्ता भएका थिए । यीमध्ये ८४ मुद्दा विचाराधीन रहेका छन् । मुद्दा फस्र्याेटमा सक्रियता देखाए पनि दक्ष कामदार तथा बजेट अभावका कारण अदालतले राम्रो काम गर्न नसकेको रजिष्ट्रार बोहरा स्वीकार्छन् । अधिकांश मुद्दाको फैसला ढिलो हुनुमा जिल्लास्थित श्रम कार्यालय नै जिम्मेवार भएको उनको आरोप छ । वर्ष ५, अंक ४८, २०६७, साउन १७–२३