काठमाडौं । जानकी टेक्नोलोजीका सीईओ मनोज थापालाई जालन्धरको लभली प्रोफेशनल युनिभर्सिटी परिसरमा प्रोफेशनल एक्सिलेन्स अवार्ड प्रदान गरिएको छ ।
आम आदमी पार्टी (आप) भारतका राज्यसभा सांसद अशोक मित्तल र लभली प्रोफेशनल युनिभर्सिटीका कुलपति रश्मी मित्तलले थापालाई उक्त अवार्ड प्रदान गरेका हुन् । प्राविधिक तथा दूरसञ्चार VAS को क्षेत्रमा व्यावसायिक उत्कृष्टता देखाएको भन्दै थापालाई सम्मान गरिएको हो ।
‘प्रोफेशनल एक्सिलेन्स अवार्ड पाउँदा म सम्मानित छु,’ मनोज थापाले भने, 'यो मान्यता जानकी टेक्नोलोजी, SPARROW SMS मा सम्पूर्ण सदस्यको कडा परिश्रम र समर्पणको प्रमाण हो । हामी हाम्रा ग्राहकहरूलाई टेलिकम्युनिकेसन VAS स्पेसमा अत्याधुनिक समाधानहरू प्रदान गर्न जारी राख्नेछौं ।'
थापाले सन् २०१५ मा लभ्ली प्रोफेशनल युनिभर्सिटीबाट मास्टर अफ बिजनेस एडमिनिस्ट्रेशन (MBA) पूरा गरे । त्यसपछि उनी सन् २०२२ मा जानकी टेक्नोलोजी, SPARROW SMS मा प्रवेश गरे ।
उनी टेलिकम्युनिकेसन VAS स्पेसमा अग्रगामी नवीन उत्पादनहरूमा कम्पनीको नेतृत्व गर्दै आएका छन् । उनको नेतृत्वमा जानकी टेक्नोलोजी, SPARROW SMS द्रुत रूपमा बढेको छ । र, नेपालमा टेलिकम्युनिकेशन VAS समाधानहरूको एक अग्रणी प्रदायकको रूपमा स्थापित भएको छ ।
लवली प्रोफेशनल युनिभर्सिटी भारतको अग्रणी विश्वविद्यालयहरू मध्ये एक हो, जुन आफ्नो उत्कृष्टता र नवीन सोचलाई बढावा दिने प्रतिबद्धताका लागि परिचित छ । साथै विश्वविद्यालय प्रतिभाशाली व्यक्तित्व उत्पादन गर्नको लागि प्रसिद्ध छ, जो आफ्नो क्षेत्रमा योग्य र सफल छन् ।
