दैलेखको चामुण्डा बिन्द्रासैनी नगरपालिका वडा नम्बर ५ स्थित जनता मावि बस्ताकोट मतदानस्थलमा अझै मतदान सुरु हुन सकेको छैन । मतदानस्थलमा शंकास्पद वस्तु फेला परेपछि मतदान हुन नसकेको हो ।बिहान ७ बजेदेखि मतदान सुरु हुने कार्यक्रम रहे पनि शंकास्पद वस्तु भेटिएपछि रोकिएको हो । स्थानीय प्रशासनका अनुसार बम डिस्पोजल सेनाको टोली मतदान केन्द्रमा पुगिसकेको छ ।सेनाले उक्त वस्तु पहिचान गरेर मतदान केन्द्रलाई सुरक्षित तुल्याएपछि मतदान सुरु हुने निर्वाचन कार्यालयले जनाएको छ ।
