चैत १५, काठमाडौं । प्रभु म्युुचुअल फण्ड अन्तर्गत सञ्चालित प्रभु सेलेक्ट फण्डले फागुन मसान्तसम्मको खुद सम्पत्ति मूल्य विवरण मंगलवार सार्वजनिक गरेको छ ।
उक्त वित्तीय विवरण अनुसार फण्डले फागुन मसान्तसम्ममा रू.६ करोड ३४ लाख नाफा कमाएको हो । यो नाफा माघ मसान्तको तुलनामा भने ३३ प्रतिशत घटेको हो । फण्डले माघ मसान्तसम्ममा रू. ९ करोड ५१ लाख नाफा कमाएको थियो ।
फागुन मसान्तसम्ममा फण्डको आम्दानी घटेसँगै नाफा पनि घटेको हो । माघ मसान्त सम्ममा फण्डले रू.१० करोड ९ लाख आम्दानी गरेकोमा फागुन मसान्तसम्ममा रू. ७ करोड ९२ लाख मा झरेको हो ।
त्यसैगरी फण्डको एनएभी पनि माघ महीनाको तुलनामा फागुन महीनामा घटेको छ । माघ मसान्तसम्ममा फण्डको एनएभी रू.१० दशलमव ७० रहेकोमा फागुन मसान्तसम्ममा रू. १० दशमलव ४५ कायम भएको छ ।
त्यसैगरी फागुन मसान्तसम्ममा फण्डको सूचीकृत शेयरमा लगानी रू. ५४ करोड ७ लाख रहेको छ । यो लगानी माघ मसान्तसम्ममा रू. ५८ करोड ८२ लाख थियो ।
