सुर्खेत : सुर्खेत क्षेत्र नम्बर २ को मतगणना सुरु भएको छ। १२ बजेर ३७ मिनेटबाट सुरु भएको सुर्खेतका प्रमुख जिल्ला अधिकारी खगेन्द्रप्रसाद रिजालले जानकारी दिए।उनका अनुसार मतगणना सर्वदलीय बैठकको सहमति साढे ११ बजेबाट सुरु गर्न भए पनि अहिले १२ : ३७ मा भएको जानकारी दिए।सुर्खेत १ मा भने मतगणना अन्योल बनेको छ। सुर्खेत क्षेत्र नम्बर १ (क)को सिम्ता गाउँपालिका ६ मा रहेको सरस्वती मावि मतदान केन्द्रमा प्रदेशको मतपत्रमा प्रतिनिधिसभाको मतपत्र भेटिएपछि विवाद हुँदा मतदान स्थगित भएको छ।
