मध्य तथा पश्चिम भारतमा केही दिन थप गर्मी बढ्ने भारतीय मौसम विज्ञान विभागले जनाएको छ । अबका चार दिनसम्म मध्य तथा पश्चिम भारतमा तातो हावासँगै लू का कारण जनजीवन प्रभावित बन्न सक्ने विभागले चेतावनी दिएको छ ।
दिल्लीको तापक्रम ४० डिग्री सेल्सियससम्म पुग्न सक्ने अनुमान छ । तापक्रम बढ्न थालेपछि मध्य र पश्चिम भारतमा जनजीवन प्रभावित भएको छ । दिउँसो घर बाहिर निस्कन समस्या भएको भारतीय सञ्चारमाध्यमले जनाएका छन् । अप्रिल ३ अर्थात आउँदो आइतबारसम्म अरुणाञ्चल, असम–मेघालयमा ठूलो पानी पर्ने पूर्वानुमान गरिएको विभागले जनाएको छ ।
