नियमावली संशोधन गरेर भैरहवास्थित विशेष आर्थिक क्षेत्र (सेज) मा सुर्ती र मदिराजन्य उद्योग स्थापना गर्न दिने गृहकार्य सुरु भएको छ । विशेष आर्थिक क्षेत्र प्राधिकरणले भने दिने/नदिनेबारेमा अहिले छलफलकै क्रममा रहेको बताएको छ । सेज नियमावलीमा चुरोट, सुर्ती, गुट्खा जस्ता सुर्तीजन्य पदार्थ, बियर, मदिरा, वाइन जस्ता उत्पादन गर्ने उद्योग स्थापना गर्न नदिने व्यवस्था छ । केही पहुँचवाला उद्योगीले सेजमा बढी सेवासुविधा पाइने भएकाले निरन्तर यी उद्योग पनि स्थापना गर्न प्रयास गरिरहेका छन् ।
