भारतमा दश करोडभन्दा बढीले कोरोनाभाइरस विरुद्धको खोप लगाएका छन् । कोभिड १९ को दोस्रो लहरले थलिएको भारतमा खोप अभियान समेत तीब्रताका साथ अगाडि बढाइएको हो ।
भारतीय स्वास्थ्य तथा परिवार कल्याण मन्त्रालयले पहिलो खोप लगाएपछि अमेरिकामा ८९ दिन, चीनमा १०२ दिन र भारतमा ८५ दिनमा खोप लगाउनेको संख्या दश करोड नाघेको जनाएको छ । तर भारतमा भने दैनिक थपिने सङ्क्रमितको संख्या एक लाख पचास हजार भन्दा बढेको छ । आइतबार एकै दिन भारतमा आठ सयभन्दा बढी सङ्क्रमितको मृत्युको पुष्टि भएको छ ।
