.jpg)
चैत १७, काठमाडौं । अहिले काठमाडौंमा अढाइतले हाउजिङका घर किन्दा कम्तिमा अढाइ करोडदेखि साढे ३ करोड रुपैयाँबाट शुरू हुन्छन् ।
तर रिङरोडबाट ४ किलोमिटरको दूरीमा रहेको लुभुमा भने ३ आनामा बनेको घरको मूल्य २ करोड १० लाख रुपैयाँबाट शुरु हुन्छ ।
चक्रपथको ग्वार्को चोकबाट ४ किलोमिटरसम्म ४ लेन बाटो र त्यसपछि हाउजिङ कम्पाउन्डसम्म ५० मिटर २० फिटे बाटो रहेको कम्पनीले बताएको छ ।
डिभाइन रियलटरले निर्माण गरेको हाउजिङमा ३ आनादेखि साढे ४ आनासम्मका घरहरू निर्माण गरिएको छ । ३ आना जग्गामा बनेको घरको मूल्य २ करोड १० लाख रुपैयाँ भएपनि साढे ४ आना जग्गामा बनेको घरको मूल्य भने साढे तीन करोड रुपैयाँ रहेको कम्पनीले बताएको छ ।
साढे ४ आना जग्गामा बनेको घरहरू साढे ३ तले भएकाले महँगो भएका हुन् ।
३ आना जग्गामा बनेका घरहरू १ हजार ९०० वर्गफिट क्षेत्रफलका छन् । ४ बेडरुम, १ लिभिङ रुम, १ किचन/डाइनिङ, ४ बाथरुम र एउटा पूजा कोठा बनाइएको छ ।
एउटा कार र ३ ओटा सम्म बाइक पार्किङ गर्न मिल्ने, प्रशस्त खानेपानी र सेमी फर्निसिङ गरेका घरहरू विक्रीमा राखिएको कम्पनीले बताएको छ ।
यहि फिचर्स भएका घरहरू चक्रपथ आसपासमा किन्न भने कम्तिमा ३ करोड रुपैयाँ खर्च गर्नुपर्छ । भैंसेपाटी नख्खुमा हार्मोनी कोलोनीले बनाएको साढे २ तले घरको मूल्य ३ करोड ३७ लाख रुपैयाँदेखि मात्रै शुरु हुन्छ ।
सितापाइला क्षेत्रमा पद्मा कोलवनी आसपासमा बनेका साढे २ ले घरको मूल्य २ करोड ६६ लाख रुपैयाँ भन्दा बढी छ ।
केही किलोमिटर बढी टाढा भएपनि अन्य कोलोनीमा बनेका घरहरू भन्दा डिभाइनले बनाएका घर केही सस्तो भएको कम्पनीको भनाइ छ ।
