काठमाडौं । गायक एच.बी. सुनार र मन्जु उपासनाको स्वर रहेको गीत ‘दिइसके यो जीवन’ म्युजिक भिडियो सहित सार्वजनिक भएको छ । शान्त गोविन्द महर्जनको शब्द र एच.बी. सुनारकै संगीत रहेको गीतमा साहस शाक्यको एरेन्ज रहेको छ ।गीतको भिडियोमा अभिनेता पुष्प खड्का र टिकटकमा हिट भएपछि मोडलिङ रोजेकी गीता ढुंगानाको अभिनय रहेको छ । ज्ञानेद्र शर्माको छायाँकन, सुबोल थापाको कोरियोग्राफी रहेको भिडियोमा अमृत चापागाईको सम्पादन रहेको छ । भिडियो शिशिर श्रेष्ठले निर्देशन गरेका हुन् ।
