सुनसरी । उद्योग वाणिज्य संघ इटहरीको अध्यक्षमा जीवन पराजुली विजयी भएका छन् । शनिवार भएको निर्वाचनमा उनी अर्का उम्मेदवार रञ्जु सिग्देललाई पराजित गर्दै विजयी भएका हुन् ।
आइतवार प्राप्त मत परिणामअनुसार १९ सदस्यीय कार्यसमितिमा पराजुली प्यानलको बहुमत देखिएको छ । निर्वाचनमा ४ हजार ८१० मतमध्ये २ हजार ७९० मत खसेको थियो । पराजुलीले १ हजार १८६ मत र सिग्देलले ८४७ मत प्राप्त गरेकी छिन् । निर्वाचनबाट पराजुली प्यानलबाट महिला सदस्यमा सबिना कोइराला (शोभा) र मिना ढकाल विजयी भएका छन् । उद्योगतर्फ सिग्देल प्यानलका अभिषेक बस्नेत, राजेन्द्र केशरी घिमिरे, दिलिप पराजुली र पराजुली प्यानलका विष्णु नारायण डाँगी नयाँ कार्यसमितिमा चयन भएका छन् ।
२२ जना मतदाता रहेको वस्तुगततर्फ विनोद पौडेल र उमानाथ दाहाल विजयी भएका छन् । वाणिज्य सदस्यमा सिनेट रिजाल, राकेश श्रेष्ठ, ध्रुव अधिकारी, बलबहादुर न्यौपाने, सञ्जय शाह, अशोक अग्रवाल, शन्नी चौधरी, सुरेश कार्की, ढुण्डीराज गुरागाईं विजयी भएका छन् । एसोसिएट सदस्यमा राजीव घिमिरे निर्विरोध निर्वाचित भएका छन् ।
