प्रधानन्यायाधीश चोलेन्द्र शमशेर जबराले मार्ग प्रशस्त गर्नुपर्ने मागसहित सर्वोच्चका न्यायाधीशहरूले भद्र अवज्ञा शुरू गरेको २ साता नाघिसकेको छ ।
कात्तिक ८ गतेदेखि न्यायाधीशहरूले बन्दी प्रत्यक्षीकरण बाहेकका मुद्दा हेरेका छैनन् । एक जना बिदामा रहेको अवस्थामा बाँकी १८ जना न्यायाधीश नै प्रधानन्यायाधीशसँग असन्तुष्ट कित्तामा छन् ।
न्यायाधीशहरू भद्र अवज्ञामा उत्रिएपछि प्रधानन्यायाधीश चोलेन्द्र शमशेर जबरामाथि राजीनामाका लागि तीव्र दबाब छ ।
पूर्व न्यायाधीशहरू र नेपाल बार एसोसिएसनले समेतले प्रधानन्यायाधीश जबराको राजीनामा मागिसकेका छन् ।
...
