माघ २३, काठमाडौं । अमेरिकाले मिलेनियम च्यालेन्ज कर्पोरेसन (एमसीसी) सम्झौता आउँदो फेब्रुअरी २८ भित्र संसदबाट अनुमोदन गरिसक्न भन्दै नेपाललाई पत्राचार गरेको छ ।
उक्त समयसीमामा संसदबाट अनुमोदन नभए नेपालसँगको एमसीसी सम्झौता रद्द गर्ने निर्णय लिने पनि उसले भनेको छ । एमसीसीका प्रमुख कार्यकारी अधिकृत महमुद बाहले गत बिहीवार प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाललाई संयुक्त पत्र पठाउँदै एमसीसीको अबको समयसीमा बारे जानकारी पनि गराएका छन् ।
प्रधानमन्त्री देउवा र अध्यक्ष दाहालको तर्फबाट गत सेप्टेम्बर २९ मा एमसीसीका अध्यक्षलाई सम्बोधन गर्दै एमसीसी बारे थप स्पष्ट हुन आवश्यक रहेको पत्र पठाइएको थियो । सोही पत्रको जवाफमा एमसीसीका प्रमुख कार्यकारी अधिकृतले उक्त सम्झौतालाई निरन्तरता दिनेबारे नेपालको ‘सार्वभौम रोजाई’ हुने विश्वास व्यक्त गरेका छन् ।
पत्रमा डिसेम्बर १४ मा एमसीसीको निर्देशक बोर्डले नेपालसँगको सम्झैताको अवस्था र तपाईंहरूले सेप्टेम्बर २०२१ मा पठाएको पत्रबारे समीक्षा गर्यो । एमसीसी बोर्डले तपाईंहरुले गरेको चाररपाँच महीनाभित्र सम्झौता अनुमोदन गर्ने कुरालाई नोटमा लियो भनिएको छ ।
सम्झौताको पक्षमा जनचेतना जगाउने र यससँग जोडिएका भ्रमहरुलाई हटाउने भन्ने तपाईंहरुको योजनाप्रति बोर्ड आभार व्यक्त गरेको छ’ भनिएको छ । साथै उक्त पत्रमा भनिएको छ, ‘त्यसैले तपार्ईंहरुकै पत्रमा उल्लेख भए अनुसार आउँदो फेब्रुअरी २८, २०२२ भन्दा ढिलो नगरी सांसदहरु र गठबन्धनका सहयात्रीहरू मिलेर सम्झौतालाई अनुमोदन गर्ने काम गर्नुहोस् भन्ने एसीसीको आग्रह छ ।’
कार्यकारी अधिकृत बाहले यदी यो समयसीमा भित्र नभए त्यसपछि एमसीसी बोर्डले खारेजीको बिषयमा छलफल गर्ने पनि उल्लेख गरेका छन् ।
यो पनि हेर्नुस् :
एमसीसी अनुमोदन गराउने प्रयास : सत्तारूढ दलभित्रै ठूलो मतभेद
एमसीसीमा विवाद : निर्णायक बनाउन पहल थाल्दै प्रम
एमसीसी किन अपरिहार्य छ ?
विशेष आलेख : एमसीसी स्वीकार गर्नुको विकल्प छैन
एमसीसी सम्झौता : निर्णय छिटो लिन अमेरिकाको दबाब
