कारोबार दैनिक

फाल्गुन २०७७

सिमरा सेजमा सबै प्रकारका उद्योग सञ्चालन हुने

बाराको सिमरास्थित विशेष आर्थिक क्षेत्र सेजमा सबै प्रकारका उद्योग सञ्चालन गर्न सकिने भएको छ । निर्माण तयारी सकिए लगतै गार्मेन्ट प्रशोधन केन्दका लागि छुटयाइएको ‘ए’ बल्कमा गार्मेन्ट उद्योग सञ्चालनको लागि तयार नभए पछि विशेष आर्थिक क्षेत्र प्राधिकरणले सबै प्रकारका उद्योगलाई सञ्चालनका लागि प्रस्ताव आह्वान थालेको हो ।८३३ बिगाह क्षेत्रफल रहेको प्राधिकरणको ५ बल्क मध्ये ‘ए’ […]

पूर्ण विवरण

सम्बन्धित सामग्री

पहुँच सडक, विद्युतीकरण लगायत विकास नगरी कर्मचारी क्वाटर बनाउँदा सेजका संरचना प्रयोगविहीन

Aarthik Abhiyan चैत्र २०७९

शिलान्यास भएको ५ वर्षपछि सिमरा सेजमा उद्योगीको आवेदन

जग्गाको भाडादर ५० प्रतिशतले घटेपछि विशेष आर्थिक क्षेत्र प्राधिकरण सिमरा ‘सेज’ मा उद्योगीहरुको आकर्षण बढेको छ । यसअघि २० रुपैयाँ प्रतिस्क्वायर मिटर मासिक भाडा दरलाई उद्योग मन्त्रालयले ५० प्रतिशतले घटाएर मासिक १० रुपैयाँ बनाएको छ । यस अतिरिक्त सरकारले चालु आर्थिक वर्षदेखि सेजमा उद्योग सञ्चालन गर्नेले तेस्रो वर्षदेखि मात्रै निर्यात गर्नुपर्ने व्यवस्था लागु गरेको छ । तेस्रो वर्ष २० प्रतिशत, चौथो वर्ष ४० प्रतिशत र पाँचौ वर्षदेखि कुल उत्पादनको ६० प्रतिशत उत्पादन भारत र चीनसहित

Ratopati चैत्र २०७८

भैरहवा र सिमरा सेजमा रू. ९ अर्ब लगानी प्रस्ताव

काठमाडौं । भैरहवा र सिमरा विशेष आर्थिक क्षेत्र (सेज)मा उद्योग स्थापना गर्न ८२ ओटा उद्योग/व्यवसायीबाट रू. ९ अर्ब लगानीको प्रस्ताव आएको छ । विशेष आर्थिक क्षेत्र प्राधिकरणले फागुन १५ गते यी दुई सेजमा उद्योग स्थापना गर्न उद्योगीहरूसँग प्रस्ताव आ⋲वान गरेअनुसार ती उद्योगले उद्योग स्थापनाका लागि प्रस्ताव हालेका हुन् । प्राधिकरणले १५ दिनभित्र उद्योग स्थापनाको आशय प्रस्ताव गर्न आग्रह गरेको थियो । सिमरा सेजमा प्लटभन्दा कम आवेदन परेको छ । यता भैरहवा सेजमा भने प्लटभन्दा बढी उद्योगहरूले आवेदन दिएका छन् । भैरहवा सेजमा ४५ ओटा प्लटमा उद्योग स्थापनाका लागि प्रस्ताव माग भएकोमा ५५ ओटा उद्योग स्थापनाका लागि प्रस्ताव आएको छ । यी उद्योगको प्रस्तावित कुल लगानी रू. ७ अर्ब ५० करोड रहेको प्राधिकरणका कार्यकारी निर्देशक चण्डीकाप्रसाद भट्टले बताए । भैरहवा सेजका लागि प्रस्तावित उद्योगहरू सञ्चालनमा आउँदा करीब २ हजारले रोजगारी पाउनेछन् । सिमरा सेजमा उद्योग स्थापनाका लागि खुलाइएका ६८ प्लटभन्दा कम प्रस्ताव परेको छ । यो सेजमा २७ ओटा उद्योग स्थापनाका लागि उद्योगीहरूले प्रस्ताव गरेका छन् । यी प्रस्तावित उद्योगको कुल लगानी रू. १ अर्ब ५० करोड रहेको छ । सिमरा सेजमा यी उद्योग सञ्चालन हुँदा करीब ७०० जनाले रोजगारी पाउनेछन् । विशेष आर्थिक क्षेत्र ऐन संशोधन, भाडादर आधा घटाउने र निर्यात सीमामा पनि लचिलो नीति लिएसँगै सेजमा उद्योग स्थापनाका लागि आकर्षण बढेको भट्टले बताए । ‘उद्योगीहरूले भैरहवा नै खोजे,’ उनले भने, ‘यो सेज प्राथमिकतामा परेको देखियो, सिमरा सेज भर्खर बन्दै गरेको र केही काम बाँकी हुनुका साथै सिमरा सेजका विषयमा धेरै जानकारी पनि छैन ।’ १५ दिनको सूचना निकाल्दा सिमरा सेजका विषयमा कम चासो देखिएको हुन सक्ने उनले बताए । सिमरा सेजका लागि अहिले व्यवसायीहरूबाट चासो आइरहेको छ । यो सेजमा कृषि प्रशोधनसम्बन्धी, अग्र्यानिक फर्टिलाइजर पेस्टीसाइज बनाउने, सिसाका सामग्री र इलेक्ट्रोनिक स्कुटर बनाउन उद्योगीहरूले प्रस्ताव गरेका छन् । सिमरा सेजलाई गार्मेन्टका लागि लक्षित गरेर स्थापना गर्न खोजिएको भए पनि सबैखाले उद्योग आउने सक्ने गरी प्राधिकरणले प्रस्ताव आह्वान गरेको थियो । पहिलाको तुलनामा उद्योगी व्यवसायीहरू सेजमा आउन आकर्षित भएको पाइएको उनको भनाइ छ । उद्योगीहरूसँग छलफल, अन्तरक्रिया पुनः गरेर भएका अवरोधहरूलाई सहजीकरण गर्दा आकर्षण देखिएको छ । ‘भाडादर, मर्मतसम्भार र सञ्चालन खर्चका विषयमा प्रतिबद्धता देखाएका छौं,’ भट्टले भने, ‘यसले गर्दा पनि भैरहवामा आकर्षण देखिएको हो ।’ गौतम बुद्ध अन्तरराष्ट्रिय विमानस्थल पनि सञ्चालनमा आउने क्रममा रहेकाले यहाँबाट निर्यात सहज हुने देखिएपछि उद्योगीहरू यसतर्फ आकर्षित भएको उनको तर्क छ । निर्यातको प्रतिशत पनि संशोधन गरिने भएकाले पनि उद्योगीहरूलाई सहज हुने देखिएको छ । उद्योग सञ्चालनको २ वर्षसम्म उद्योगी तथा व्यवसायीहरूले निर्यात गर्न नपर्ने र यो अवधिमा व्यवसायीहरूले बजार खोज्न सक्ने भएकाले सहज देखिएको छ । पहिला उद्योग स्थापनाको दोस्रो वर्ष नै ६० प्रतिशत उत्पादन निर्यात गर्नुपर्ने प्रावधान थियो, जसले गर्दा उद्योगीहरू पछि हटेका थिए । तर, यसलाई सरकारले सच्याउन लागेको छ । उद्योग स्थापनाको ३ वर्षमा २०, चौथोमा ४० र ५ वर्षमा ६० प्रतिशतसम्म उत्पादन निर्यात गर्ने प्रावधान बनाउन लागिएको छ । करीब ३ महीनामा विशेष आर्थिक प्राधिकरण ऐन संशोधन हुने र त्यसमा यी निर्यातको सीमालाई संशोधन गरिने उनको भनाइ छ । यद्यपि भाडादर रेट भने सञ्चालक समितिले पनि हेरफेर गर्न सक्ने भएकाले अबको १ हप्तामा भाडादर रेटका विषयमा निर्णय गरिने उनले जानकारी दिए । उनले अहिले जग्गा प्रतिस्क्वार मीटरको रू. २० छ भने यसलाई संशोधन गरेर रू. १० कायम गरिने बताए । यी उद्योगले १ वर्षभित्र सेजमा उद्योग सञ्चालन गरिसक्नुपर्छ ।

Aarthik Abhiyan फाल्गुन २०७८

सिमराका ६८ प्लट उद्योग सञ्चालनका लागि खुलाइए

काठमाडौं । दोस्रो चरणमा निर्माण भएको सिमरा विशेष आर्थिक क्षेत्र (सेज)मा अब उद्योग तथा व्यवसाय सञ्चालन गर्न सकिने भएको छ । विशेष आर्थिक क्षेत्र प्राधिकरणले सिमरा सेजको ब्लक ‘ए’ का ६८ ओटा प्लट उद्योग सञ्चालनका लागि खुला गर्दै उद्योग स्थापनाका लागि प्रस्ताव पेश गर्न आह्वान गरेको छ । प्राधिकरणले सिमरासहित भैरहवा सेजका खाली रहेका ४५ ओटा प्लटमा पनि उद्योग सञ्चालन गर्न सक्ने भन्दै प्रस्ताव पेश गर्न आह्वान गरेको हो । प्राधिकरणले आइतवार सूचना जारी गर्दै सिमरा र भैरहवा गरी ११३ ओटा प्लटमा उद्योग सञ्चालनका लागि प्रस्ताव माग गरेको हो । इच्छुक उद्योगी तथा व्यवसायीले फागुन ३० गतेसम्म सिमरा र भैरहवा सेजमा उद्योग स्थापनाका लागि आवेदन दिन सक्नेछन् । विशेष आर्थिक क्षेत्रले उपलब्ध गराउने भौतिक पूर्वाधारतर्फ आन्तरिक सडक, विद्युत्, पानी, ढल, पेट्रोल पम्प, धर्मकाटा, सुरक्षा, दूषित पानी प्रशोधन केन्द्र, बैंक, बीमा जस्ता काम सम्पन्न भएका छन् । प्राधिकरणका अनुसार उद्योग सञ्चालनका लागि खुलाइएका प्लटको भाडा पनि तोकिएको छ । भू–बहाल अवधि बढीमा ३० वर्षको हुने पनि प्राधिकरणले उल्लेख गरेको छ । उद्योग सञ्चालन गर्ने उद्योगी तथा व्यवसायीले मासिक भाडा प्रतिवर्ग मिटर रू. २० तिर्नुपर्नेछ । उद्योग सञ्चालनका लागि खुला गरिएको भैरहवा सेज पूर्ण क्षमतामा सञ्चालन नभएका बेला र त्यहाँका प्लटहरू नै खाली रहेका बेला सिमरा सेज पनि खुला गरिएको हो । उद्योगीहरू नआउँदा भैरहवाका ४५ ओटा प्लट अझै खाली छन् । प्राधिकरणका कार्यकारी निर्देशक चण्डिकाप्रसाद भट्टले उद्योगी तथा व्यवसायीबाट सेजप्रति चासो सकारात्मक रूपमा आएकाले सिमरा र भैरहवा सेज सञ्चालनमा अब समस्या नहुने बताए । भैरहवा सेज सञ्चालनका क्रममा भएका समस्या तथा त्रुटिहरू न्यूनीकरणको प्रयास भएको उनले बताए । सोहीअनुसार विशेष आर्थिक क्षेत्र ऐन नै संशोधन गरेर पहिला भएका त्रुटि हटाउन र व्यवसायमैत्री नीतिनियम बनाउन लागिएको उनको भनाइ छ । ‘सेजमा उद्योग स्थापना गर्दा लागत पनि कम पर्ने र उद्योगीहरूकै हितलाई लक्षित गरेर ७५ प्रतिशत निर्यातको प्रावधान संशोधन गरिएको छ,’ उनले भने, ‘पहिलेका अप्ठ्यारा प्रावधान हटाउने र सहजीकरण गरिने भएकाले अब उद्योगीको आकर्षण बढ्नेछ ।’ बाराको सिमरास्थित सेजमा सरकारले रू. ३ अर्ब लगानी गरिसकेको छ । सिमरा सेजका पाँचओटा ब्लकमध्ये पहिलो चरणमा ‘ए’ ब्लक तयार भएको छ । सरकारले निर्यात प्रवद्र्धन, व्यापार घाटा न्यूनीकरण र विदेशी मुद्रा आर्जन लगायत लक्ष्य राखेर २०६० मा सेज अवधारणा अघि सारेको थियो । २०७१ मा पहिलोपटक उद्घाटन भएको भैरहवा सेजमा हाल ६ ओटा प्लट सञ्चालनमा छन् । जग्गाबाहेक रू. ८० करोड लगानी भएको उक्त भैहरवा सेजमा खाली रहेका प्लटमा पनि उद्योग स्थापनाका लागि प्राधिकरणले पुनः प्रस्ताव माग गरेको छ ।

Aarthik Abhiyan माघ २०७८

उद्योग खोल्नका लागि सिमरा सेजका ६८ प्लट तयार

काठमाडौं । नेपालको दोस्रो विशेष आर्थिक क्षेत्र (सेज) सिमरामा उद्योग व्यवसाय सञ्चालन गर्न ६८ ओटा प्लट तयार भएका छन् । रू. ३ अर्ब लगानी भइसकेको बारास्थित उक्त सेज सञ्चालनका लागि विशेष आर्थिक क्षेत्र प्राधिकरणले उद्योगीलाई प्रस्ताव पेश गर्न आह्वान गर्ने तयारी गरेको छ । विशेषगरी गार्मेन्ट उत्पादनलाई लक्षित गरेर बनाउने घोषणा गरिएको सिमरा सेजमा सबैखाले उद्योगहरू खोल्न पाइने गरी प्राधिकरणले अबको १ महीनाभित्रमा उद्योगीहरूलाई व्यवसाय सञ्चालन गर्न आ⋲वान गर्दै छ । नेपालको पहिलो सेज भैरहवा पूर्ण सञ्चालनमा आइनसकेका बेला प्राधिकरणले सिमरा सेज सञ्चालनको तयारी गरेको हो । प्राधिकरणका कार्यकारी निर्देशक चण्डिकाप्रसाद भट्टले सिमरा सेजमा पूर्वाधार निर्माणको काम अन्तिम चरणमा पुगेको बताए । सेजसँग जोडिएका अन्य पूर्वाधारहरू ढल निकास, पानी, सडक निर्माण सम्पन्न भइसकेको छ, आन्तरिक विद्युतीकरणका लागि आवश्यक काम भइरहेको छ । सेजका लागि तत्काल १५ मेगावाट विद्युत् आवश्यक पर्ने उनको भनाइ छ । सिमरा सेजमा सर्भिस, प्रशासनिक भवनहरू पनि बनिसकेका छन् । भैरहवा सेजमा उद्योगी नआएको अवस्थामा सिमरा सेज पूर्णरूपमा सञ्चालन हुनेमा आशंका देखिएका बेला उनले भने, ‘भैरहवा सेज जस्तै नहोस् भनेर ऐन संशोधन गर्दै छौं, लगानीमैत्री बनाउनुपर्छ भनेर निर्यात प्रतिशतको सिलिङमा हेरफेर, भाडाको दरमा पुनरवलोकनजस्ता विषय छलफलमा छन् ।’ सिमरा सेजमा उद्योग स्थापनाका लागि प्रस्ताव गर्ने उद्योगी तथा व्यवसायीहरूसँग प्राधिकरणले शुरूमै प्रोजेक्ट वर्क पनि माग गर्ने तयारी गरेको छ । ‘सेजमा उद्योगीहरूको जग्गा हुँदैन, त्यसैले प्रोजेक्टका लागि प्रोजेक्ट लोन (परियोजना ऋण) दिलाउने व्यवस्थामा छलफल गर्दै छौं,’ भट्टले भने, ‘सेज नै ग्यारेन्टी बसिदिन्छ, ।’ यो व्यवस्थाले सेजमा उद्योग सञ्चालन गरेका उद्योगीहरूले ऋण तिर्न नसकी डिफल्टर भएमा बैंकले नै उद्योगको सम्पत्ति टेकओभर गर्ने र उद्योग सञ्चालन गर्न इच्छुक अर्को उद्योगी तथा व्यवसायीलाई आह्वान गर्न सक्नेछ । यसले उद्योगीले उद्योग सञ्चालन गर्न नसकेमा सेजमा उद्योग नै बन्द हुनेभन्दा पनि अर्को उद्योगीले त्यहाँ प्रवेश पाउने वातावरण बन्ने र सेजमा उद्योगको सञ्चालन भइरहने अवस्था हुनेछ । सिमरा सेजमा पाँचओटा ब्लक भए पनि अहिले ब्लक ए सञ्चालन गरिने र अन्य निजीक्षेत्रलाई सञ्चालन गर्न दिने नीति ल्याउने उनको भनाइ छ । ब्लक ‘ए’सहित सिमरा सेज ८१४ विगामा पैmलिएको छ । सरकारले निर्यात प्रवद्र्धन र व्यापारघाटा कम गराउनुका साथै देशमै रोजगारी सृजना गर्न सातओटै प्रदेशसहित मुलुकभर १४ ओटा सेज घोषणा गरेको छ । हालसम्म जम्मा भैरहवा सेज सञ्चालनमा आएको छ भने सिमरा आउने क्रममा छ । भैरहवा सेजमा जग्गाबाहेक रू. ८० करोड लगानी भइसकेको छ भने हाल उक्त सेजमा जम्मा ६ ओटा प्लटमा उद्योग सञ्चालन छन् ।

Aarthik Abhiyan पौष २०७८

धमाधम बन्दै सिमरा सेज : दुई वर्षभित्र कम्तीमा एउटा ब्लक सञ्चालनमा ल्याउने तयारी - Naya Patrika

नयाँ पत्रिका फाल्गुन २०७४