शनिबार ‘नेपाल आइडल सिजन–४’ को विजेता बनेपछि गायक भूपेन्द्र थापामगर यतिबेला चर्चाको केन्द्रमा छन् । प्रतियोगिताको टप ३ मा रहेका प्रतिस्पर्धी नाम्गेल तामाङ र रञ्जित नेपालीलाई पछि पर्दै उनले उपाधिको साथमा नगद ३० लाख समेत हात परेका छन् । नेपाल आइडलको पहिलो सिजनदेखि नियमित र पटक पटक उपाधिका लागि कोसिस गर्दै आएका उनले चौथो सिजनमा आएर सफलता हात पार्न सफल भएका हुन् । प्रस्तुत छ, नेपाल आइडल विजेता बन्दाको खुसी र आगामी दिनको योजनाको विषयमा उनले रातोपाटीसँग गरेको कुराकानीको सम्पादित अंश ।
