गृह मन्त्रालयको प्रवक्ताको जिम्मेवारी सहसचिव फणिन्द्रमणि पोखरेलले जिम्मेवारी पाएका छन् ।
कारागार व्यवस्थापन विभागका महानिर्देशक रहेका पोखरेललाई प्रवक्ता जिम्मेवारी दिएको हो ।
उनलाई प्रवक्ताका साथै शान्ति सुरक्षा महाशाखाको प्रमुखको जिम्मेवारीसमेत दिइएको छ ।
शुक्रवारको निर्णयले पोखरेललाई प्रवक्ता र हाल प्रवक्ता रहेका जनकराज दाहाललाई कारागार व्यवस्थापन विभागको जिम्मेवारी दिइएको छ ।
तराई र पहाडका ७ वटा प्रमुख जिल्ला अधिकारीको जिम्मेवारीसमेत सम्हालिसकेका पोखरेललाई अब्बल प्रशासकको रुपमा लिइन्छ ।
