काठमाडौं । डिस मिडिया नेटवर्क डिसहोमले कास्कीको पोखरामा डिसहोम फाइबरनेट सेवा सञ्चालनमा ल्याएको छ । पोखराको नयाँबजारस्थित भट्टराई एन्ड ब्रदर्स सप्लायर्स प्रालिमा पोखरा उद्योग वाणिज्य संघ अध्यक्ष नारायण कोइरालाले उक्त सेवा उद्घाटन गरे ।
डिस होमका एरिया सेल्स म्यानेजर, सेल्स अफिसर, प्राविधिक, डिलर दाइहरु, स्थानीयलगायत सहभागी कार्यक्रममा भट्टराई एन्ड ब्रदर्स सप्लायर्सका अध्यक्ष अम्बिकामोहन भट्टराईले डिसहोम फाइबर नेटको सेवाबारे जानकारी दिए । पोखरामा सेवा सञ्चालनमा आएपछि यस क्षेत्रका ग्राहकलाई सस्तो र गुणस्तरीय इन्टरनेट सेवा दिइने उनले बताए ।
कम्पनीले बुधबारबाट १० एमबीपीएसदेखि ग्राहक रोजाइअनुसार १०० एमबीपीएससम्मका प्याकेज उपलब्ध गराउनेछ । पोखरामा सुरु गरिएको यो सेवा क्रमशः यस क्षेत्रका ग्रामीण भेगमा पनि पु¥याइने डिस होमका एरिया सेल्स म्यानेजर प्रदीप सुवेदी ले जानकारी दिए ।
