Ratopati

कार्तिक २०७८

‘खल्ती’लाई स्टार्टअप सक्सेस अवार्ड

न्यू बिजनेस एजले आयोजना गरेको ‘न्यू बिज स्टार्टअप समिट एण्ड अवार्ड २०२१’ मा खल्ती स्टार्टअप सक्सेस अवार्डबाट सम्मानित बनेको छ । स्थापनाको पाँच वर्षको अवधिमा कम्पनी स्टार्टअप सक्से अवार्डबाट सम्मानित बनेको हो । पाँच वर्षको यात्रामा खल्ती स्टार्टअपबाट एक सफल कर्पोरेट हाउस बनेको कम्पनीको दाबी छ । हाल कम्पनीमा २३० जनाले रोजगारी पाएका छन् भने करिब २० लाख प्रयोगकर्ता रहेको कम्पनीको दाबी छ ।सम्मानित बनेपछि प्रमुख कार्यकारी अधिकृत विनय खड्काले सम्मानका लागि योग्य बनाउन भूमिका खेल्ने खल्

पूर्ण विवरण

सम्बन्धित सामग्री

अवार्ड विजेता स्टार्टअप कम्पनीहरू

उपाय सिटी कार्गाे बेस्ट स्टार्टअप कम्पनी उपाय सिटी कार्गाे ढुुवानी सेवा दिने कम्पनी हो । यस कम्पनीले विशेषगरी अनलाइन माध्यमबाट ढुवानी गर्ने सवारीसाधान र ग्राहकलाई जोड्ने काम गर्छ । उपाय सिटीले मोबाइल एप ल्याएको छ । कुनै व्यक्तिले कुनै सामान कुनै निश्चित ठाउँमा पुर्‍याउनु परेमा सोही एपमार्फत पिकअप र ड्रप लोकसन प्रविष्ट गर्नुपर्छ । त्यसपछि कम्पनीमा दर्ता भएको सवारीसाधन आएर ग्राहकको सामान ढुवानी गर्नेछ । समग्रमा यस कम्पनीले ग्राहकलाई गाडी उपलब्ध गराउने काम गर्दछ । यसमा ढुवानी गर्ने गाडी कम्पनीको साझेदार हुन्छन् । ग्राहक भने सर्वसाधारण, कर्पोरेट कम्पनी लगायत पर्छन् । ढुवानी आवश्यक पर्ने जो कोहीले आवश्यक प्रक्रिया पूरा गरेर यो सेवा लिन सक्नेछन् । साढे २ वर्षअघि सञ्चालनमा आएको यो कम्पनी पछिल्लो समय लोकप्रिय पनि बन्दै गएको छ । कम्पनीले नेपालका विभिन्न शहरमा आफ्नो सेवा विस्तार गरिसकेको छ । नेपालका विभिन्न शहरमा साना र ‘बल्क’ सामानको दु्रत र झन्झटमुक्त डेलिभरी गरिने कम्पनीले बताएको छ । लिफ प्लस प्रालि सेकेन्ड बेस्ट स्टार्टअप कम्पनी २०२१ लिफ प्लस सुपारीको पातको प्लेट अर्थात् टपरी उत्पादन गर्ने कम्पनी हो । यस कम्पनीले बनाएको डिस्पोजेबल प्लेट विभिन्न देशमा निर्यात समेत हुने गरेको छ । २०१७ सालमा स्थापित लिफ प्लस प्रालि व्यावसायिक रूपमा सुपारीको पातका प्लेट बनाउने पहिलो कम्पनी पनि हो । प्लास्टिकको डिस्पोजेबल प्लेट प्रयोग गर्दा फोहोर बढी हुने सम्भावना बढी हुन्छ । ५ वर्षमा प्लास्टिकको डिस्पोजेबल प्लेट विस्थापित गर्ने कम्पनीको योजना छ । कम्पनीले २० प्रकारको यस्तो प्लेट उत्पादन गर्दै आएको छ । जुन मःम लगायत खाजा/खाना खान प्रयोग हुन्छ । यस्तै, पूजा जस्ता धार्मिक कार्यमा पनि यस्तो प्लेटको प्रयोग हुने गरेको बताइएको छ । आमा एग्रो प्रडक्ट प्रालि (पोखरा) तेस्रो उत्कृष्ट स्टार्टअप कम्पनी २०२१ आमा एग्रो ‘किसानलाई प्रोत्साहन, महिलालाई रोजगार तथा स्वास्थ्यवद्र्धक खाद्य वस्तुको उत्पादन’ मूल नारासहित पोखरामा स्थापित कम्पनी हो । आर्थिक वर्ष २०७५÷७६ मा स्थापना भएको यस कम्पनीले महिला उद्यमशीलतामार्फत स्थानीय कच्चापदार्थको प्रयोग गरेर पराम्परागत खाद्य वस्तु सातु उत्पादन गर्दछ । कम्पनीले विभिन्न उमेर समूहलाई लक्षित गरेर विभिन्न १० प्रकार (आमा सातु, बालबालिका सातु, महिला सातु लगायत)मा सातु उत्पादन गर्छ । एडमाना टेक्नोलोजी उत्कृष्ट ५ मा सर्टलिस्टेड कम्पनी एडमाना अनलाइन विज्ञापन सेवाप्रदायक कम्पनी हो । यसले विभिन्न डोमेन, ईमेल, एप्स, वेब पोर्टल, ब्लगर लगायत अनलाइन विज्ञापन सेवा प्रवाह गर्दछ । कम्पनीले मुख्यतः गुगल एडमा काम गर्दै आएको छ । २०१७ मा स्थापित यो कम्पनी काठमाडौंमा सञ्चालित छ । अनलाइन विज्ञापन सेवा क्षेत्रमा मानक रूपमा स्थापित हुने योजना एडमनाको छ । नेपाल एग्रो इनपुट्स माकेर्टिङ एण्ड आन्ट्रपे्रनरसिप सर्भिस प्रालि (नेम्स) उत्कृष्ट ५ सटार्ट अप मध्ये एक नेम्स कृषिक्षेत्रको कुनै पनि सामान उपलब्ध गराउने कम्पनी हो । कम्पनीले किसानलाई आवश्यक पर्ने बीउ, विभिन्न मेशिन लगायत उपलब्ध गराउँछ । यो कृषि क्षेत्रको सप्लायर्स कम्पनी पनि हो । कम्पनीले किसानलाई बीउ प्रयोग, कृषि उपकरण खरिद लगायतमा परामर्श समेत उपलब्ध गराउँछ । सन् २०१९ मा स्थापित यो कम्पनी चितवनमा सञ्चालित छ । कम्पनीले कृषि जलवायु परिस्थितिहरूमा अनुकूलन क्षमताका साथ उच्च गुणस्तरीय तरकारी प्रजातिको विकास गर्ने प्रतिबद्धता समेत व्यक्त गर्दै आएको छ । स्पारो पे प्रालि/जानकी टेक्नोलोजी (खल्ती) स्टार्टअप सक्सेस सम्मान २०२१ प्राप्त कम्पनी स्पारो पे प्रा लि जानकी टेक्नोलोजी प्रालि अन्तर्गतको अनलाइन भुक्तानी सेवाप्रदायक कम्पनी हो । डिजिटल वालेट खल्ती यसैले प्रवर्धन गरेको हो । खल्तीले मोबाइल एप सञ्चालनमा ल्याएको छ, जसलाई मोबाइल वालेट पनि भनिन्छ । त्यसबाट अनलाइन भुक्तानीको काम गर्न सकिन्छ । साथै, एयरलाइन्स टिकट, विभिन्न प्रकारको बिल भुक्तानी, होटेल बुकिङ लगायत सेवा समेत लिन सकिन्छ । २०१७ देखि सञ्चालनमा आएको यो कम्पनी नेपालको सफल स्टार्टअप कम्पनीको रूपमा परिचित छ । कारखाना प्रालि स्टार्टअप सक्सेस सम्मान २०२१ प्राप्त कम्पनी कारखाना सामाजिक उद्यम हो, जसले विद्यार्थीहरमा सही शीप र मनोवृत्ति बढाउने काम गर्छ, ता कि उनीहरू आफैले समस्या समाधान गर्न सकून् र भविष्य आफै निर्माण गर्न सकून् । कम्पनीले माध्यमिक विद्यालयका विद्यार्थीका लागि सिकाउने किट्स सिर्जना गर्छ, जुन बालबालिकाको सिकाइमा स्रोतसाधन बन्न, उनीहरूको आफ्नै वातावरणलाई पुनः आकार दिन, समस्या समाधान गर्न सहयोगी हुन्छ । साथै यसले उनीहरूलाई अप्रत्याशित समस्याको सामना गर्न आत्मविश्वास बढाउने कम्पनीको भनाइ छ ।

Aarthik Abhiyan कार्तिक २०७८

स्टार्टअप समिट अवार्ड्स विशेष-१

स्टार्टअप अहिलेको आवश्यकता हो गोविन्दप्रसाद ढकाल प्रमुख कार्यकारी अधिकृत, गरिमा विकास बैंक यो कार्यक्रमलाई अझै केही वर्ष निरन्तता दिनुपर्छ । स्टार्टअप अहिले नेपालको आवश्यकता हो । पत्रकारिता क्षेत्रबाट यस किसिमको कार्यक्रम हुनु आफैंमा ठूलो उपलब्धि भएको ठान्छु । यसलाई अब सरकार तथा सरोकारवाला निकायले बुझ्न जरुरी छ । यसरी अघि बढ्दा केही परिवर्तन हुन सक्छ भन्नेमा हामी आशावादी छौं । अहिले एउटा समस्या कहाँनिर छ भने स्टार्टअप तथा नवउद्यमी निकै उत्साहका साथ आउनुहुन्छ । तर, उहाँहरू थोरै असफल हुँदा पनि निरुत्साहित बनेर फर्किने प्रवृत्ति छ, यसलाई अन्त्य गर्नुपर्छ । सबै बिजनेश सफल हुँदैनन् । स्टार्टअप भनेको नयाँ भिजन र आइडिया लिएर आउने कुरा हो । नयाँ कुरा आउँदा सबै सफल हुन्छन् भन्ने हुँदैन । यति भन्दैमा असफल भइयो भनेर पछि हट्नुहुँदैन । यसमा बैंक सहयोग गर्न तयार छ । अहिले एउटा बिजनेस ल्याउने तर त्यसलाई दीर्घकालीन नबनाउँदै अर्काे बिजनेशमा हाम फाल्दा पनि समस्या देखिएको छ । बैंक तथा वित्तीय संस्थाका पनि समस्या होलान् । कतिपय कुरा नियामक निकायको निर्देशनमा बसेर काम गर्दा सहयोग नभएको पनि हुन सक्छ । बैंक तथा वित्तीय संस्थाले अप्ठेरो पार्ने नियत राख्दैनन् । स्टार्टअप एक लेभल ‘ग्रो’ भएपछि बैंक आउने हो मनोज ज्ञवाली नायब महाप्रबन्धक, नबिल बैंक स्टार्टअप के हो भन्ने विषयमा धेरै मानिस स्पष्ट नभएको अवस्थामा यो कार्यक्रमले यसबारे सचेतना जगाइदिएको छ । यो कार्यक्रमले मानिसलाई स्टार्टअपका विषयमा झक्झकाउने काम गरेको छ । स्टार्टअपमा जोखिम जहिले पनि हुन्छ भने इनोभेसन जोखिम हो । यसमा बैंक तथा वित्तीय संस्थाभन्दा पनि नीतिगत रूपमा सरकारले सघाउनुपर्छ । अर्काेपल्ट कार्यक्रम गर्दा असफल भएका स्टार्टअप तथा तिनका कथाहरू पनि समावेश गरिनुपर्छ । असफल भएकालाई पनि ल्याउँदा त्यसमा सरकार, बैंक तथा वित्तीय क्षेत्र कसले सहयोग गर्न सक्छन् भन्ने विषयमा जानकारी हुन्छ । स्टार्टअपलाई बैंक तथा वित्तीय क्षेत्रले कर्जा प्रवाह गरेका छैनन् । किनभने, स्टार्टअपमा जोखिम छ, बैंकमा बसेर बिजनेस रिक्स लिन सकिँदैन । अन्तर्राष्ट्रिय अभ्यासमा पनि एन्जल इन्भेस्टर, रियल इन्भेस्टर, प्राइभेट इक्विटी इन्भेस्टरहरू स्टार्टअपमा सामेल भएका हुन्छन् । जोखिम भएका क्षेत्रमा लगानीकर्ताले लगानी गर्ने हो, फाइनान्सियल क्षेत्रले होइन । बैंकिङले सहयोग गरेर स्टार्टअप सफल भएको छैन । फाइनान्स क्षेत्रले एक लेभल माथि आएपछि मात्रै कर्जा दिने हो । सुरुमा एञ्जल, भेञ्चर क्यापिटल आउनुपर्छ । दोस्रो चरणमा मात्रै बैंकले सहयोग गर्ने हो । कार्यक्रमले स्टार्टअप व्यवसायमा लाग्न प्रोत्साहन ईश्वर गुरुङ प्रमुख, एसएमई डिपार्टमेन्ट, कुमारी बैंक लिमिटेड ‘न्यूबिज स्टार्टअप समिट एण्ड अवार्डस’ कार्यक्रमको प्रमुख प्रायोजक बन्न पाउँदा हामीलाई धेरै खुशी लागेको छ । अहिले स्टार्टअप बिजनेशलाई प्रोत्साहन गर्नेगरी राज्यले नीति लिइरहेको छ । बैंकहरूले समेत सोही अनुसार कर्जा प्रवाह गर्नुपर्ने अवस्था छ । तर स्टार्टअपबारे धेरैले बुझिरहनुभएको छैन । त्यसबारे बुझाउन पनि यस्तो खालको कार्यक्रम महŒवपूर्ण भएकाले कुमारी बैंकले यो कार्यक्रमलाई मुख्य प्रायोजन गरेको हो । गत शुक्रवार सम्पन्न अन्तरक्रियात्मक प्रशिक्षण कार्यक्रम निकै प्रभावकारी थियो । यसले नवउद्यमीहरूलाई स्टार्टअप व्यवसायमा लाग्न ठूलो प्रोत्साहन मिल्नेछ । स्टार्टअप बिजनेश गर्दा पैसा वा आइडिया मात्रै भएर नहुने प्रशिक्षकहरूको प्रस्तुतिबाट देखियो । खासगरी पूँजीको कसरी जोहो गर्ने र आइडियालाई कसरी प्रयोग गर्ने भन्नेबारे प्रशिक्षकहरूले खुलस्त पार्नुभएको छ । त्यसकारण पनि यो कार्यक्रम आफ्नो उद्देश्य पूर्तिमा सफल भएको छ । निर्यातमूलक स्टार्टअपलाई सरकारले प्राथमिकता दिनुपर्छ अशोकमान कपाली, हिमालयन लस इन्डष्ट्रिज, झापा इमर्जिङ स्टार्टअप कम्पनी, प्रदेश १ यस कार्यक्रमले हामीलाई व्यावसायिक रूपमा अगाडि बढ्न हौसला गरेको छ । हामीले झापामा सुपारीको पातबाट प्लेट बनाउने काम गर्दै आएका छौं । हामीले आफ्नो उत्पादन निर्यात समेत गर्दै आएका छौं । अब स्टार्टअप व्यवसाय प्रवद्र्धन गर्न निर्यातमूलक कम्पनीलाई सरकारले प्राथमिकतामा राख्नुपर्छ । नयाँ स्टार्टअप उद्यमीका लागि जानकारीमूलक आशिष शाह नमस्ते रिसाइकल ट्रेडर्स, जनकपुर इमर्जिङ स्टार्टअप कम्पनी, प्रदेश २ पछिल्लो समय स्टार्टअप उद्यममा धेरैजना आएका छन् । आउन खोजेका पनि छन् । तर, उनीहरूलाई यस सम्बन्धमा सरकारी नीति लगायत विषयमा जानकारी छैन । यस अवस्थामा यो कार्यक्रम उनीहरूका लागि जानकारीमूलक भएको छ । साथै, प्रेरणादायी पनि रह्यो । म पनि यस कार्यक्रमबाट थप प्रोत्साहित भएको छु । साथै, इमर्जिङ स्टार्टअप कम्पनीको रूपमा सम्मानित हुदाँ खुशी पनि लागेको छ । स्टार्टअपले इकोसिस्टमलाई उजागर गरेको छ अजय पाण्डे आइटी म्यानेजर, ग्लोकल प्रालि इमर्जिङ स्टार्टअप, बागमती प्रदेश उदाउँदो स्टार्टअपको अवार्ड पाउँदा निकै उत्साहित छौं । अर्काेतर्फ यो अवार्डले आफूले गरिरहेको क्षेत्रमा काम गर्न थप हौसला मिलेको अनुभूति गराएको छ । हामीले गरिरहेको कामलाई न्यु बिजनेशको कार्यक्रमले सम्मान गर्दा उत्साहित छौं । स्टार्टअप आइडियाले सम्मान पाएको छ । ग्लोकल प्रालिले २०१५ देखि समाजमा सकारात्मक काम गर्नेलाई सम्मान गर्दै आएको छ भने भारत र श्रीलंकामा फ्रेन्चाइज बेच्ने हामी पहिलो नेपाली स्टार्टअप कम्पनी हौं । कार्यक्रममा आउनुभएका सरकारी तथा निजीक्षेत्रका जिम्मेवार पदाधिकारीले उठान गरेका विषयले नेपालमा स्टार्टअपले इकोसिस्टमलाई उजागर र प्राथमिकता दिएजस्तो देखिएको छ । सरकारबाट व्यक्त विचार निकै राम्रा भए पनि कार्यान्वयनमा सधैं समस्या देखिन्छन् । अहिले भएका नीति नियमबाट जसले फण्ड जुटाउन सक्दैन, काठमाडौंमा आएर केही गर्न खोज्नेलाई निकै गाह्रो छ । केही राम्रो भइरहे पनि यो सुस्त गतिमा छ । यसलाई तीव्रताका साथ अघि बढाउन लाग्नुपर्छ । स्टार्टअपलाई प्रोत्साहन मिलेको छ निराजन घिमिरे एक कल होम सोलुसन्स प्रालि इमर्जिङ स्टार्टअप, गण्डकी प्रदेश यो कार्यक्रमले स्टार्टअपलाई प्रोत्साहन मिलेको छ । प्रोत्साहनले थप काम गर्न ऊर्जा दिएको छ । स्थानीय तहमा काम गर्दा निकै चुनौती सामना गर्नुपर्छ । अहिले पनि धेरै स्टार्टअप बाहिर नदेखिएका होलान् । यस्ता कार्यक्रमले तिनलाई पनि थप प्रेरणा मिलेको हुनुपर्छ । काम गरेपछि केही सफलता मिल्छ भन्ने सन्देश यो कार्यक्रमबाट जान्छ । स्टार्टअप बिजनेस सुरु गर्दा कानुनी अड्चन धेरै सामना गर्नुपर्छ । अहिले श्रम कानुनअनुसार भएको व्यवस्थाले केही समस्या पारेको छ । सिक्ने अवसर पनि भयो रमेश क्षेत्री, निन्जा इन्फोसिस प्रालि, नेपालगञ्ज इमर्जिङ स्टार्टअप कम्पनी, लुम्बिनी प्रदेश यो कार्यक्रमबाट सम्मान हुन पाउँदा उत्साह र प्रेरणा पनि मिलेको छ । हामीे शुरुआती चरणको उद्यमी हौं । हामीलाई उद्यमशीलताको विषयमा धेरै जानकारी पनि थिएन । यहाँ आएर यससम्बन्धी धेरै सिक्ने अवसर मिल्यो । अब अझै बलियो भएर अगाडि बढ्ने आँट आएको छ । कार्यक्रमले विषयगत ज्ञान बढाइदिएको छ चन्द्रबहादुर खड्का, ज्वाला कृषि तथा पशुपालन उद्योग, दैलेख इमर्जिङ स्टार्टअप कम्पनी, कर्णाली प्रदेश हामी मुलुकको संघीय राजधानीभन्दा धेरै टाढा आफ्नो व्यवसाय सञ्चालन गरिरहेका छौं । हामीलाई व्यवसायको बजारीकरण कसरी गर्ने भन्ने विषयमा पर्याप्त ज्ञान थिएन । यस कार्यक्रमले हाम्रो व्यावसायिक क्षमता बढाएको छ । साथै, सम्मानित हुन पाउँदा व्यवसायमा अझै सफल रूपमा अघि बढ्न आत्मविश्वास पनि मिलेको छ । टिम नै निकै उत्साहित छ चन्द्रप्रकाश साउद, फारवेस्ट इन्फोटेक एन्ड रिसर्च सेन्टर इमर्जिङ स्टार्टअप, सुदूरपश्चिम प्रदेश इमर्जिङ स्टार्टअपको रूपमा पुरस्कृत हुँदा टिम नै निकै उत्साहित छ । हाम्रो आइडिया र इनोभेसन देशलाई परिवर्तन गर्न एक चरण माथि उठ्न सफल भएको ठान्छु । २०७६ साउनदेखि बिजनेस शुरू गरेका हौं । हाम्रो समूह चार जनाको छ । हामीले अहिले बिजनेशका साथै ई–गभर्नेन्समा अनुसन्धान र डिजिटल साक्षरता लक्षित कार्यक्रम गरिरहेका छौं । केन्द्रमा हाइटेक प्रविधि छ । हामी आफ्नो ठाउँमा ग्रामीण क्षेत्रमा प्रविधिको भरपूर प्रयोग गर्दै छौं । आइटी कम्पनी भएकाले यसमा ६ लाख रुपैयाँ लगानी गरेका छौं । प्रविधि र डिजिटल साक्षरतामा पछि परेको सुदूरपश्चिम प्रदेशको धनगढीबाट हाम्रो प्रतिनिधित्व भएको हो । हामीले त्यहाँ प्रविधिको विकासलाई नै प्राथमिकता दिएका छौं । इन्टरनेटको पहुँच नभएका २ स्थानमा निःशुल्क इन्टरनेट जोडिएको छ । स्थानीय तहका पदाधिकारीसँगको सहकार्यमा डिजिटल साक्षरताका विषयमा पनि काम गरिरहेका छौं । कर्मचारीलाई साइबर अपराध र डिजिटल साक्षरताका विषयमा तालिम दियौं । कम्पनीले सफ्टवेयर विकास र खासगरी ग्रामीण क्षेत्रलाई लक्षित गरेर प्रविधिको सहज पहुँच पु¥याएर स्थानीय बजारमा यसको प्रयोगका विषयमा सचेतना जगाउने काम गर्छ । जिम्मेवारी बढेको छ विनय खड्का सीईओ, जानकी टेक्नोलोजी (खल्ती) स्टार्टअप सक्सेस सम्मानप्राप्त कम्पनी कार्यक्रमबाट सफल स्टार्टअप कम्पनीको रूपमा सम्मानित हुँदा खुशी लागेको छ । यसका लागि आयोजक संस्थालाई धन्यवाद व्यक्त गर्दछौं । यो सम्मानले हामीलाई उत्साहसँगै कम्पनीलाई राम्रो बनाउने जिम्मेवारी पनि बढेको महसूस भएको छ । स्टार्टअप व्यवसायको क्षेत्रमा हामी पनि युनिकर्न बन्न चाहन्छौं । सोहीअनुसार हामी अगाडि बढ्छौं ।

Aarthik Abhiyan कार्तिक २०७८

स्टार्टअप सक्सेस अवार्डबाट खल्ती सम्मानित

न्यु बिजिनेस एजद्वारा आयोजित न्यु बिज स्टार्ट अप समिट एण्ड अवार्ड २०२१” मा खल्ती (स्प्यारो पे प्रा.लि.) लाई स्टार्टअप सक्सेस अवार्डबाट सम्मानित गरिएको छ। ५ वर्षको यात्रामा खल्ती स्टार्टअपबाट एक सफल कर्पोरेट हाउस बनिसकेको छ । हाल कम्पनीमा २३० जना बढी कर्मचारी छन् भने ६०,०००+ व्यापारी तथा २० लाख बढी खल्तीका प्रयोगकर्ताहरूले 'खल्ती'लाई विश्वास गर्दै आएका...

ICT Samachar कार्तिक २०७८