सार्वजनिक सेवा जनताको रुचि र आवश्यकताअनुसार जनतालाई प्रदान गरिने सेवा–सुविधा हो । राज्य अथवा कुनै पनि निकायद्वारा सार्वजनिक हित वा सामुदायिक रुचिका अनुसार प्रदान गरिएको सेवा वा सुविधा सार्वजनिक सेवाअन्तर्गत पर्छ । व्यवस्थित र सुगम सार्वजनिक सेवा प्रवाह जवाफदेही सरकारको द्योतक हो र सरकारको क्षमता र सफलता सार्वजनिक सेवा गुणस्तरले मापन गरिन्छ । यसर्थ सार्वजनिक सेवा प्रवाहलाई अझ धेरै व्यवस्थित बनाउन राज्य र सरोकारवाला सबैले आवश्यक पहल गर्नुपर्ने हुन्छ ।
