फागुन ९, नयाँ दिल्ली । भारतको विशेष अदालतले सोमवार चारा घोटालाले चर्चित भ्रष्टाचार मुद्दामा बिहारका पूर्वमुख्य मन्त्री एवम् राष्ट्रिय जनता दलका नेता लालू प्रसाद यादवलाई थप पाँच वर्षको सजाय सुनाएको छ ।
साथै अदालतले उक्त काण्डमा दोषी ठहर गर्दै ६० लाख भारतीय रुपया जरिवाना पनि गर्ने फैसला गरेको छ । तर उनको वकिलले भने अदालतमा अपिल गर्ने बताएका छन् । तर यो फैसला आउनु अघिदेखि नै उनी चारा घोटाला काण्डसँग सम्बन्धित चार ओटा मुद्दामा दोषी प्रमाणित भइसकेका छन् ।
सोमवार भएको उक्त फैसलाको कारवाही अदालतले अनलाइनबाट गरेको थियो भने लालू पनि अनलाइनमा उपस्थित थिए । यसअघि उक्त काण्डमा अदालतले उनलाई १४ वर्षको जेल सजाय तोकेको थियो । एजेन्सी
