नेपाली खेलाडीहरु पनि अमेरिकी खेलक्षेत्रमा प्रवेश गरेर राम्रो नतिजा दिन थालेका छन् । यसको पछिल्लो उदाहरणका रुपमा उत्सव सिंह देखिनुभएको छ । सिंहले अमेरिकामा सम्पन्न शारीरिक सुगठन प्रतियोगितामा एकैसाथ दुइटा स्वर्ण पदक प्राप्त गर्नुभएको छ ।
गत हप्ता अमेरिकाको टेक्सस राज्यको उलेन सहरमा प्रोफेसनल न्याचुरल बडी विल्डिंग एसोसिएसनले आयोजना गरेको मिष्टर तथा मिस युएसए प्रतियोगितामा सहभागी सिंहले एकसाथ दुइवटा स्वर्णपदक प्राप्त गरेर सनसनीपूर्ण नतिजा दिनुभएको छ ।
