चालू आर्थिक वर्षको चौथो महिनामा पनिनेपालको निर्यात व्यापार सुधारकै गतिमा अघि बढेको छ । भन्सार विभागले सार्वजनिक गरेको तथ्यांकअनुसार अघिल्लो वर्षको तुलनामा निर्यात २३.९ प्रतिशतले बढेको छ । पहिलो चार महिनामा ३६ अर्ब २७ करोड ९० लाख रुपैयाँ बराबरको सामग्री निर्यात भएको भन्सार विभागको तथ्यांक छ । गत वर्षको सोही अवधिमा २९ अर्ब २८ करोड १७ लाख रुपैयाँ बराबरको सामान निर्यात भएको थियो । सोही अवधिमा आयातमा भने २४ प्रतिशतले कमी आएको हो । आयातमा कमी आएसँगै व्यापार घाटा स्वतः कम भएको छ ।
