नेपाली कांग्रेसका वरिष्ठ नेता रामचन्द्र पौडेल पक्षको माग सम्बोधन गर्न पार्टी सभापति शेरबहादुर देउवा सहमत भएपछि पौडेल पक्षका जिल्ला सभापतिहरूले पार्टी केन्द्रीय कार्यालयमा जारी राखेको रिले अनशन आज तोडिने भएको छ ।
शुक्रवार साँझ देउवा र पौडेलबीच भेटवार्ता भएको थियो । सोही भेटवार्तामा भएको छलफल जानकारी गराउन आज कांग्रेस नेता प्रकाशमान सिंहको निवास चाक्सीबारीमा पौडेल पक्षका नेताहरू भेला भएका थिए ।
सो बेलामा नेता पौडेलले पार्टी सभापतिले आफूहरूको माग सम्बोधन गर्न सहमति जनाएको ब्रिफिङ गरेका थिए ।
जिल्ला सभापतिह...
