हिमाल सफाइ गर्ने शैलीको विख्यात आरोही कामिरिता शेर्पाले गरे आलोचना
नेपाल सरकारले यो वसन्तऋतुमा पनि सगरमाथासहित छवटा हिमाल सफाइ गर्ने योजना सार्वजनिक गरेको छ। तर २४ पटक सगरमाथा शिखर चुमेका कामीरिता शेर्पाले हिमाल सफाइ गर्ने सरकारी शैलीप्रति असन्तुष्टि व्यक्त गरेका छन्।
काठमाडौँ – नेपाली सेनाले सफा हिमाल अभियान, २०२३ अन्तर्गत बरुञ्चे हिमाल सफाइ अभियान सम्पन्ने भएको जनाएको छ। सेनानी समीरबहादुर बस्नेतको नेतृत्वमा खटिएको नेपाली सेनाको आठ जना र शेर्पा सहयोगीसहितको टोलीले बरुञ्चेम हिमालको आधार शिविरबाट सङ्कलित कुहिने तीन हजार ५० किलो फोहर गत वैशाख ३० गते एक कार्यक्रमका बीच महाकुलुङ गाउँपालिकाका अध्यक्ष सूर्यबहादुर कुलुङलाई हस्तान्तरण गर्यो। […]
काठमाडौं। गत चैत १४ गतेबाट शुरू भएको सफा हिमाल अभियानअन्तर्गत अन्नपूर्ण हिमाल सफाइ अभियान सम्पन्न भएको छ । हिमाली क्षेत्रमा बढ्दो प्रदुषण कम गर्ने उद्देश्यले नेपाली सेनाको अगुवाईमा अभियान सञ्चालनमा थियो ।
सह–सेनानी भीमबहादुर भुजेलको नेतृत्वमा खटिएको नेपाली सेनाको १० जना र शेर्पा सहयोगी सहितको टोली चैत १५ गते अन्नपूर्ण आधार शिविरको लागि प्रस्थान गरेको थियो । उक्त टोलीले अन्नपूर्ण आधार शिविर र माथिल्ला क्याम्पहरूबाट कुहिने एक हजार २१६ किलो र नकुहिने दुई हजार ३५१ किलो गरी जम्मा तीन हजार ५६७ किलो फोहोर संकलन गरेको छ ।
संकलित कुहिने फोहोर व्यवस्थापनका लागि स्थानीय निकायलाई बुझाइएको र नकुहिने फोहोर काठमाडौं ल्याई फोहोर व्यवस्थापन कम्पनीलाई हस्तान्तरण गरिएको बताइएको छ । फोहोर बुधवार अभियानसम्बद्ध संस्था तथा कार्यालयका प्रतिनिधिको रोहवरमा राष्ट्रिय निकुञ्ज तथा वन्यजन्तु आरक्षण निर्देशक सहायक रथी सुन्दर कुमार पाण्डेले फोहोर व्यवस्थापन कम्पनी ‘क्रियशन भेन्चर’ लाई हस्तान्तरण गरेका हुन् ।
काठमाडौँ– हिमाल सफाइ अभियानमा जुटेको नेपाली सेनाको एक टोली अन्नपूर्ण प्रथम हिमाल आरोहण गर्न सफल भएको छ । सह-सेनानी सुमन पाण्डेको नेतृत्वमा रहेको सेनाको टोलीले आज बिहान ८ः ५५ मिनेटमा आठ हजार ९१ मिटरको विश्वको दशौँ अग्लो हिमालको चुचुरोमा पुग्न सफल भएको सैनिक जनसम्पर्क तथा सूचना निर्देशनालयले जनाएको छ । टोलीमा प्यूठ् मानसिंह चौधरी, सिपाही […]
काठमाडौं । नेपाली सेनाका प्रमुख सेनानी किशोर अधिकारीको नेतृत्वको १३ जनाको टोली बिहीवार सगरमाथा आधार शिविर पुगेको छ । सगरमाथा, ल्होत्से, बरुञ्चे र अन्नपूर्ण हिमाल सफाइ कार्य गर्न खटिएका नेपाली सेनाको जनशक्तिमध्ये सगरमाथा र ल्होत्से हिमालका लागि खटिएको टोली आधार शिविर पुगेको सैनिक जनसम्पर्क तथा सूचना निर्देशनालयले जानकारी दिएको छ ।
सेनाले जैविक विविधता तथा पर्यावरण संरक्षण गर्ने उद्देश्यअनुरूप सरकारको राष्ट्रिय कार्यक्रमअन्तर्गत सेनाको अगुवाइमा यही चैत १४ गते त्यसतर्फ प्रस्थान गरेको थियो । अन्नपूर्ण हिमाल सफाइमा संलग्न टोलीले भने चैत १७ गते नै अन्नपूर्ण आधार शिविर पुगी फोहोर संकलन शुरू गरिसकेको छ ।
बरुञ्चे हिमाल सफाइ टोली उक्त हिमालको आधार शिविर पुग्ने क्रममा छ । ती टोली हिमाल सफाइ कार्यलाई थप प्रभावकारी बनाउन आफूलाई हिमाली वातावरण अनुकूल तुल्याउन विभिन्न क्रियाकलापमा जुटेका छन् ।
सेनाको हिमाल सफाइ अभियानमा युनिलिभरको साथ जुटेको छ । हिमालको संरक्षण गर्ने र चुचुरो÷हिमाल हरू सरसफाई गरी जलवायु परिवर्तनको असरलाई न्यूनीकरण गर्ने उद्देश्य रहेकामा युनीलिभरले पनि सेनाको अभियानमा हातेमालो गरेको हो ।नेपाली सेनाको मुख्यालय, जङ्गी अड्डामा आयोजित कार्यक्रममा नेपाली सेनाको राष्ट्रिय निकुञ्ज तथा वन्यजन्तु आरक्ष निर्देशानलयका निर्देशक सहायक रथी हिमांशु खड्काले आफूहरुको अभियानमा साथ दिएकामा युनिलिभर नेपाललाई धन्यवाद दिए ।“हिमाल सफाइ अभियानलाई अभियानको सफलताका लागि विश्व
वैशाख ३, काठमाडौं । युनिलिभरले विश्वलाई दिगो साझा बासस्थान बनाउने अभिायन अन्तर्गत ‘हिमाल सरसफाई अभियान- २०२२’ मा नेपाली सेनासँग हातेमालो गर्ने भएको छ ।
कम्पनीले नेपाली सेनासँग उक्त पहलका लागि हातेमालो गर्न र योगदान दिन पाउँदा कृतज्ञ भएको पनि बताएको छ । कम्पनीले हिमालयलाई फोहोरबाट स्वच्छ राख्न राष्ट्रिय सरसफाइ कार्यक्रमसँग यो दोस्रो सहकार्य भएको पनि बताएको छ । कम्पनीले हिमालको संरक्षण गर्ने र चुचुरो/ हिमालहरू सरसफाई गरी जलवायु परिवर्तनको असरलाई न्यूनीकरण गर्ने उद्देश्यले बहुपक्षीय कार्यक्रम सञ्चालन गरिएको पनि बताएको छ ।
फोहरमुक्त विश्वको लागि चक्रिय आर्थिक प्रणालीको दृष्टिकोण रणनीतिको केन्द्रमा रहँदै आएको भन्दै कम्पनीले फोहोरमैला व्यवस्थापनमा लापरवाहीले हिमालहरूको सौन्दर्यलाई तहसनहस पार्नुका साथै विश्वको वातावरणीय स्वास्थमाथि जोखिम उत्पन्न गरिरहेको बताएको छ ।
काठमाडौंमा आयोजित कार्यक्रममा नेपाली सेनाको राष्ट्रिय निकुञ्ज तथा वन्यतन्तु आरक्ष निर्देशानालयका निर्देशक सहायक रथी हिमांशु खड्काले युनिलिभर नेपाललाई बधाई दिएका छन् ।
हिमाल सफाइ अभियानको सफलताकालागि विश्वसनीय र प्रतिबद्ध साझेदारीको आवश्यकता पर्ने भन्दै उनले युनिलिभरसँग नेपालमा यसलाई निरन्तरता दिन पाउँदा उत्साहित रहेको बताए ।
यसैगरी कम्पनीका प्रबन्ध निर्देशक अम्लान मुखर्जीले यस्तो खालको निरन्तर सहकार्यमार्फत यस वर्ष फोहोर संकलन, छुट्याउने, सञ्चितफोहोरको पुनःप्रयोगमा नयाँ कीर्तिमान कायम गर्ने लक्ष्य राखेको बताए । नेपालका शिखरहरूको गौरव कायम राख्न सहयोग गरी नेपालको सेवामा क्रियाशिल रहेको बताए ।
उनले युनिलिभर पृथ्वीको वातावरणीय स्वास्थ्य सुधार गर्न प्रतिबद्ध रहेको छ भन्दै । प्लास्टिकको प्याकेजिङयुक्त फोहरको सम्बोधनका लागि कडा मेहनत गर्ने यो अभिायनको उद्देश्य रहेको बताए ।
काठमाडौं (अस) । नेपाली सेनाको संयोजनमा सरकारले सुरु गरेको हिमाल सफाइ अभियान २०२१ कार्यक्रमले माउन्ट एभरेष्ट, ल्होत्से, मकालु, धौलागिरि, पुमोरी र अमादब्लामलगायत ६ वटा हिमालयबाट फोहोर संकलनको आधा काम पूरा गरेको छ । यो अभियानमा पेय पदार्थ ब्रान्ड कोकाकोलाको सहभागिता छ ।
यो टोलीमा अनुभवी शेर्पा सदस्य र नेपाली सेना गरी ११२ जना सदस्य रहेका छन् । २०२१ अप्रिल १३ मा सुरु भएको अभियानअन्तर्गत हालसम्म ६ वटा हिमालयबाट २१,१६७ किलोग्राम फोहोर संकलन गरिएको नेपाली सेनाले जनाएको छ ।
टोलीले संकलन गरेको फोहोमा खारेज गरिएको अक्सिजन ट्यांक, परित्याग गरिएका टेन्ट, खाद्यान्न कन्टेनर, प्लास्टिक, ग्लास, आल्मुनियम, इलेक्ट्रानिक फोहोर समावेश छन् ।
यसबाहेक पहिला दुर्घटना भएको ९एन–एसीआर नम्बरको हेलिकप्टर र दुई विभिन्न ठाउँबाट पर्वतारोहण गियरसहित दुई मानव अवशेष पनि धौलागिरि टोलीले फेला पारेको छ । मृतकको पहिचान र व्यवस्थापनका लागि थप अनुसन्धान सुरु गरिएको सेनाले बताएको छ ।
हिमाल सफाइ अभियान २०७८ का मिडिया को–अर्डिनेटर लेफ्टिनेन्ट कर्नेल दीपक भण्डारीका अनुसार ६ वटा हिमाल सफा गर्ने उदेश्यले अभियानमा खटाइएको टोलीले स्थानीय सरकारसँगको समन्वयमा रहेर फोहोर संकलन गरिरहेको छ ।
अभियानको लक्ष्य भनेको प्रकृति र वातावरण संरक्षण गरेर ६ वटा हिमाल सफा गरी जलवायु परिवर्तनको प्रभावलाई कम गर्नु रहेको भण्डारीले जानकारी दिए ।
फोहोर संकलन सम्पन्न भएपछि संकलित फोहोर थप रिसाइक्लिङका लागि सम्बन्धित कम्पनीलाई हस्तान्तरण गरिने नेपाल पर्यटन बोर्डका सीईओ डा. धनञ्जय रेग्मीले बताए ।
