असोज १४, काठमाडौं । नबिल म्युचुअल फण्ड अन्तर्गत सञ्चालित नबिल इक्विटी फण्डले भदौ मसान्तको वित्तीय विवरण बिहीवार सार्वजनिक गरेको छ ।
उक्त वित्तीय विवरण अनुसार फण्डको एनएभी साउन मसान्तको तुलनामा भदौ मसान्तमा कमि आएको छ । फण्डको एनएभी साउन मसान्तसम्ममा रू. १९ दशमलव २८ रहेकोमा भदौ मसान्तमा घटेर रू. १७ दशमलव ७४ मा सीमित भएको हो ।
त्यसैगरी साउन मसान्तसम्ममा रू.१६ करोड २४ लाख ७८ हजार नाफा कमाएको उक्त फण्डले भदौ मसान्तसम्ममा रू. २ करोड ९२ लाख ९६ हजार नोक्सानी व्यहोरेको छ । त्यसैगरी फण्डले भदौ मसान्तसम्ममा सूचीकृत शेयरमा रू.१ अर्ब ४६ करोड २९ लाख ६४ हजार लगानी गरेको छ ।
उक्त फण्डले साउन मसान्तसम्ममा भने सूचीकृत शेयरमा रू.१ अर्ब ७५ करोड ३९ लाख ५० हजार लगानी गरेको थियो । यसरी हेर्दा फण्डको साउन मसान्तको तुलनामा भदौ मसान्तमा सूचीकृत शेयरमा लगानी घटेको छ ।
त्यसैगरी फण्डले भदौ मसान्तसम्ममा सूचीकृत ऋणपत्रमा भने रू. ११ करोड ५२ लाख ७२ हजार लगानी रहेको छ ।