ठमेल र दरबारमार्ग २४ घण्टा खुल्ने घोषणा गर्दै गृहमन्त्रीले भने- 'काठमाडौं चलायमान सहर बनोस्'
राजधानी काठमाडौंका मुख्य दुई पर्यटकीय चहलपहल हुने क्षेत्र ठमेल र दरबारमार्ग शनिबारदेखि पूर्णकालीन समय खुल्ने (२४ सैं घण्टा) भएका छन् । उपप्रधान तथा गृहमन्त्री रवि लामिछानेले यी दुई क्षेत्र पूर्णकालीन समय खुलाउने कार्यक्रमको शनिबार घोषणा गरेका हुन् ।
व्यवसायीहरुले काठमाडौंको ठमेल र दरबारमार्ग क्षेत्रलाई २४ सैँ घण्टा खुलाउने घोषणा गरेका छन् । बिहीबार ठमेल पर्यटन विकास परिषद् र दरबारमार्ग विकास बोर्डले पत्रकार सम्मेलन गर्दै ठमेल र दरबारमार्ग क्षेत्रको व्यापार व्यवसाय २४ सैँ घण्टा सञ्चालन हुने घोषणा गरेका हुन् ।
