गोरखापत्र

मंसिर २०७६

चिनी मिल सञ्चालन नहुँदा आधा मूल्यमै सख्खर उद्योगलाई दिन वाध्य

चिनी मिल सञ्चालन नहुँदा रौतहटका उखु किसान आधा मूल्यमै सख्खर उद्योगलाई उखु विक्री गर्न बाध्य भएका छन् । रौतहटको गरुडामा अवस्थित श्रीराम सुगर मिल यस वर्ष सञ्चालन नहुँदा यहाँका किसानहरु सरकारले तोकेको मूल्यभन्दा आधा मूल्यमा नै सख्खर उद्योगमा उखु विक्री गर्न बाध्य भएका हुन् ।

पूर्ण विवरण

सम्बन्धित सामग्री

उखु अभावमा चिनी मिल बन्द

उखुको अभावमा सर्लाही र महोत्तरीमा रहेका चिनी उद्योग बन्द हुने अवस्थामा पुगेको छ । आवश्यकता अनुसार उखु उपलब्ध नहुँदा ‘नो क्यान’ चिनी उद्योगहरू बन्द हुन थालेका छन् । सर्लाहीको गोडैतास्थित महालक्ष्मी चिनी उद्योग उखु अभावका कारण बन्द भएको छ । उद्योगमा आएका १२ लाख ३९ हजार क्विन्टल उखु पेलेर उद्योग बन्द गरिएको उद्योगका उखु प्रबन्धक पवन सिंहले बताउनुभयो । “उखु अभाव भएपछि आइतबार रातिदेखि उद्योग बन्द गरिसकेका छौँ,” उखु प्रबन्धक सिंहले भन्नुभयो । यता हरिवनस्थित इन्दुशङ्कर चिनी उद्योग पनि ‘नो क्यान’ मा सञ्चालन भइरहेको छ । किसानले उद्योगमा उखु ल्याउन छाडेपछि यस्तो अवस्था आएको हो । चार दिनदेखि उद्योगमा ‘नो क्यान’ सुरु भएको उद्योगका उखु प्रबन्धक योगनारायण रजकले जानकारी दिनुभयो । “विगत चार दिनदेखि उद्योगलाई चाहिएजति उखु आउन छाडेको छ,” उखु प्रबन्धक रजकले भन्नुभयो, “उखुको अभाव भएपछि उखु क्रसिङ गर्ने दुई वटा मिलमध्ये एउटा ठुलो मिल मात्रै सञ्चालन गरेका छौँ ।” इन्दुशङ्करसँग दैनिक ३५ हजार क्विन्टल र १५ हजार क्विन्टल उखु क्रसिङ गर्ने क्षमता भएका दुई वटा मिल छन् । त्यसमध्ये ३५ हजार क्विन्टल क्षमताको मिल सञ्चालन गरिरहेको उद्योगले जनाएको छ ।

गोरखापत्र माघ २०८०

अर्ग्यानिक मल कारखाना खोल्न धेरै काम अघि बढाइसकेका छौं : हितेश गोल्छा [अन्तरवार्ता]

Aarthik Abhiyan फाल्गुन २०७९

श्रीराम सुगर मिल्सको सामान चोरी

रौतहट । रौतहटको गरुडास्थित श्रीराम सुगर मिल्सको मेशिन सञ्चालन गर्ने मोटर र केही फलामे सामान चोरी भएको छ । दुई वर्षदेखि बन्द रहेको मिलमा सुरक्षा प्रबन्ध नहुँदा सामान चोरी भएको हो । बन्द मिलको बाहिरी भागको रेखदेखका लागि चौकीदार भए पनि भित्रबाट सामान चोरी भएको छ । मिलको फलाम चोरी गरेको आरोपमा प्रहरीले केही व्यक्तिलाई पक्राउ गरेको छ । मिलका सहायक प्रशासकीय अधिकृत श्याम यादवले प्रहरीले केही व्यक्तिलाई पक्राउ गरी कारबाही गरेपछि सामान फेला परेको बताए । मिलको वरपर पर्याप्त घेराबार नभएको र सुरक्षा गार्ड अभावले सामान चोरी भएको उनको भनाइ थियो । मिलको पूर्वी भागका घेराबार स्थानीयले भत्काइदिएकाले त्यहीँबाट चोर भित्र पसेको अनुमान गरिएको छ । अहिले ५/६ जना सुरक्षागार्डले मिलको रेखदेख गरिरहे पनि गाउँका मानिस मिलमा पस्ने गरेको बताइएको छ । लामो समय बन्द मिलको केही सामान चोरी हुनुका साथै मर्मत र सरसफाइ अभावले अधिकांश मेशिनमा खिया लाग्न थालेको यादवले बताए । मिल बन्द हुनुअगावै २ अर्ब १७ करोड ७५ लाख रुपैयाँ घाटा बेहोरेको मिल प्रशासनले जानकारी दिएको छ । पछिल्लो १० वर्षसम्म लक्ष्यभन्दा कम उखु क्रसिङ गर्न थालेपछि मिलले घाटा बेहोर्नुपरेको थियो । पछि किसानको बक्यौता रकम तिर्न नसकेपछि बन्द भएको उखु उत्पादक संघ रौतहटले बताएको छ । श्रीराम सुगर मिल स्थापनाको केही वर्षसम्म मुनाफामा चले पनि १० वर्षयता १५/२० लाख क्विन्टलभन्दा कम उखु क्रसिङ गर्न थालेपछि घाटामा गएको हो । २६ वर्षदेखि सञ्चालनमा रहेको चिनी मिल बन्द हुँदा उखु किसान मर्कामा परेका छन् । अहिले जिल्लामा बाबा वैद्यनाथ चिनी मिल मात्र सञ्चालनमा छ ।

Aarthik Abhiyan पौष २०७९

जलवायु परिवर्तनको असर : यसरी फेरिँदै छ कृषि प्रणाली

Aarthik Abhiyan फाल्गुन २०७८

चिनी उद्योग सञ्चालन नहुँदा आधा मूल्यमै उखु बिक्री

सर्लाही : सरकारले उखुको मूल्य नतोक्दा र चिनी मिल सञ्चालन नहुँदा सर्लाहीका उखु किसान आधा मूल्यमै सख्खर उत्पादकलाई उखु बिक्री गर्न बाध्य भएका छन्। गत वर्ष सरकारी अनुदान समेत गरी उखुको मूल्य प्रतिक्विन्टल ५३६ रुपैयाँ ५६ पैसा तोकिएको थियो। अहिले किसानले सख्खर उत्पादकलाइ प्रतिक्विन्टल २५० देखि ३०० रुपैयाँमा बिक्री गर्दै आएका छन्। ...

थाहा खबर मंसिर २०७६