भदौ २९, काठमाडौं । मुक्तिनाथ क्यापिटलको स्वामित्वमा रहेको ज्योति विकास बैंक र प्रभु इन्स्योरेन्सको संस्थापक शेयर मंगलवारदेखि लिलामीमा विक्री खुला भएको छ ।
क्यापिटलले ज्योति विकास बैंकको २९ हजार २५० कित्ता र प्रभु इन्स्योरेन्सको ६ हजार ३६ कित्ता शेयर लिलामीमा विक्री खुला गरेको हो । ज्योति विकास बैंकको शेयरमा न्यूनतम रू. १४५ र प्रभु इन्स्योरेन्सको शेयरमा रू. ३५० तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्न पाइनेछ ।
यो शेयर खरीदका लागि विद्यमान संस्थापकहरु वा कोही व्यक्ति, कम्पनी, संघ/ संस्थाहरुले आवेदन दिन सक्नेछन् । यो शेयरमा कात्तिक ३ गतेसम्म बोलपत्र पेश गर्न सकिनेछ ।
आवेदकले न्यूनतम १०० कित्ताको लागि आवेदन दिन सक्नेछन् भने अधिकतम सम्पूर्ण कित्ताका लागि आवेदन दिन पाउने कम्पनीले बताएको छ । विक्री प्रबन्धकमा मुक्तिनाथ क्यापिटल लिमिटेड रहेको छ ।
