प्रहरीले बाँकेको नेपालगञ्जस्थित जमुनाह नाकाबाट दश लाख भारतीय रुपियाँ सहित एकजना भारतीय नागरिकलाई पक्राउ गरेको छ । नेपालगञ्जको भन्सार चेकपोइन्टमा चेकजाँच गर्नेक्रममा भारतबाट नेपालतर्फ आउँदै गरेका भारतको उत्तरपुर्वी दिल्ली जफ्फरावादका मुनवर खाँको साथमा दुईवटा झोलामा राखिएको अवस्थामा अवैध भारतीय रुपियाँ बरामद गरिएको जिल्ला प्रहरी कार्यालय बाँकेका प्रहरी उपरीक्षक ओमबहादुर रानाले जानकारी दिनुभयो ।