अन्य क्षेत्रझैँ नेपालको साङ्गीतिक इतिहास पनि खासै लामो छैन । २००७ सालमा रेडियो नेपालको स्थापना भएपछि मात्र क्रमिक रूपमा नेपाली साङ्गीतिक क्षेत्रले ठोस लय समात्न थालेको पाइन्छ । प्रेमध्वज प्रधान, माणिकरत्नपछि नेपाली साङ्गीतिक दुनियाँमा एक तिलस्मी गायकले प्रवेश गर्नुभयो, जसले नेपाली सुगम सङ्गीतलाई विशिष्ट पहिचान दिलाउनुभयो । आजका दिनमा पनि नेपाली साङ्गीतिक जगत्कै पर्याय बन्नुभएका महान् प्रतिभा हुनुहुन्छ– स्वरसम्राट् नारायणगोपाल गुरुवाचार्य ।
समालोचक कृष्णचन्द्रसिंह प्रधानकै शब्दमा नारायणगोपाल नेपाली सङ्गीतका नारायण हुन्, स्वरका गोपाल र गीतका गुरु अर्थात् आचार्य । उच्चकोटीको गायनकलासँगै आफ्नो गमक, स्वाभिमान तथा पृथक् आनीबानीका कारण उहाँ सधैँ चर्चामा रहनुभयो । नारायणगोपालले आफ्नो भौतिक शरीर छा
