स्लिम र आकर्षक देखिन कसलाई मन हुँदैन र । तौल घटाएर आकर्षक देखिन महिलाले खाना नखाने, कम खाने, विभिन्न औषधि प्रयोग गर्नेजस्ता विविध उपाय अपाउने गरेका पाइन्छ । अधिकांश महिला स्वस्थ र जवान देखिन आफ्नातर्फबाट पूर्ण रूपमा प्रयास पनि गर्छन् तर व्यस्त जीवनशैलीका कारण धेरैलाई फिटनेसमा ध्यान दिने फुर्सद नै हुँदैन । यस्तोमा पहिरनको सही छनोटले छरितो (स्लिम लुक) हुन सकिने भएकाले यससम्बन्धी ज्ञान लिने प्रचलन बढ्दो छ ।
